أنا قد تعبت ...

تعبت إنت براك يا زول؟
كلنا تعبت أجسامنا وأحلامنا تفوت تعشم
في بكرة اللّي جاي نحلم
تعبنا وتعبت آمالنا نرسما كل يوم بعَشَمْ
يمكن يوم حتحقق وديك أولادنا تتعلّم
ونحن بقينا بس بهناك نضيّع عمرنا الأشرم
لا شايفين جمال للنيل ولا أولادنا تتقدّم
لانا قطعنا شوط في شوط ولا خطواتنا تتقدّم
واقفين في مكانك سر أما العمر فمتقدّم
جات أمراض كمان حاجات تجيب الهم
وناس بهناك ما هامّيها تب كان تغنم أو تعشم
يشيلوا يبنوا في فللم وعمارات التقول سلّم
ونحن بلا بيوت الطين عشماً لينا متفلهم
وناس مسكينة ما تعرف كيفن بس تطبطب فوق روسينا تتفاهم
لو حنية ساي تديها أكان المال دا متعدّم
ماليك إلا سيارةً تمر عليك تبخ عادم
لا تأمين صحي لا حقني ولا تعليم قدرتي عليه تستخدم
يا رب متين بس يترفع لي قدم
وأعود اتهنّى بي ضُل شجراً هناك ضلّم
وساقيةً تشيل النوح فرحان داك ألودو متزاحم
وجنحات فوق ترفرف لي طيراً لو حتى رخم
قسمة وبس حرمنا نفسنا من خيرات كتيرة هناك بيها الناس بتتنعّم