اطفالنا ومستقبلهم بامريكا,, المخاوف/ الحلول

Quote: السلام عليكم ورحمه الله تعالي وبركاته رمضان كريم موضوعك جميل جدا وحيوي وانا عندي اراء ممكن ما ترضي البعض انا ما طولت في امريكا لي حوالي 3 سنوات بدي اغلب الاباء والامهات القابلوني صفر في التربيه الاطفال فاقدين هويه وما عرفين زاته هم شنو ولا اصلهم شنو الاباء اغلبهم بشتغلو ساعات طويله وما فاضين والامهات حاصله ليهم صدمه ثقافيه تسمعهم ينبذو في الامريكان وهم مخلعوين حد الدهشه بالثقافه الامريكيه تخيل مره انا اديت بتي عصيده بملاح كلهم اتخلعو كيف اديها العصيده طبعا هي اكلتهامن عمرها 8 شهور بكل الملاحات الموجوده والانا بعرف اعملها وتعال شوف الفلهمه انا اولادي ما بياكلو غير ماكدونالاد وانا اولادي ما بياكلو غير البتزا والطفل في الابتدائي تلقي الباب ما بمرقو طبعا الامهات ديل جزء من سياسه الفلهمه ما بيطبخو زي الامريكان يعني في نفس القوت بتلقي لغتهم الانجليزيه ضيعفه وما عندهم احتكاك بالثقافه الامريكيه اناشايفه طريقه التربيه الامريكيه غايتو لحدي اسي عمر سنتين احسن من طريقتنا وبتنمي مواهب وذكاء الطفل وانا بقرا وبحاول اتعلم منهم يعني استفيدمن الثقافه الجديده الجذبتي وخلتني اخلي اهلي وناسي والف حول العالم واجي . للاسف في ازمه هويه عند الاباء والامهات وفاقد الشئ لا يعطيه احنا محتاجين كاباء وامهات نربي نفسنا من اول وجديد عشان نقدر نواكب ونربي اطفالنا امس كنت في افطار جماعي الاطفال لا فين براهم لافي زول بسالهم اكلتو لا براقبوهم وهم بلعبو جاء ولد قلع كبايه الشاي من يدي وكشحها في توبي امه وابوه يعاينو ليه لو ما اتعلم الادب والاحترام من اسي حيتعلمهم بعد يكبر اكيد لا وزي ما بخرمج علي كيفه اسي برضه حيخرمج علي كيفه لمن يكبر في السودان في الخاله والعمه والحبوبه بسدو جزء من النقص بس هنا مافي والمسئوليه تقيله والما بقدر عليها ما في داعي يجيب اولاد من الاساس يعذبهم ويعذبنا بيهم