مسابقة في وصف الابل بين شعراء البطانة .مكرر (اهداء لود شيقوق في اجازته وللملكة في غربتها)

Quote: أخونا عمر صديق سلام ورمضان كريم تركنا لكم هاتفنا في صفحتكم في الفيس بوك ومع معتصم محمد صالح ...لم نتشرف بلقائكم في السودان إذ كنا في ترحال مستمر بين مضارب جهينة في سنار والبطانة والشبارقة والشوك ...التحية لشعراء البطانة ونتمنى ان يحد الشعر الشعبي مكانته في التوثيق وما أكثر من التقيت في هذه الرحلة القصيرة من شعراء منهم على سبيل المثال الشاعر النميري ود الهليف والشاعر ود القدال وود الشوبلي التقيتهم في حاضرة الجزيرة وجلسنا جلسة ما منظور مثيلة في فندق نادي الجزيرة مدني فقد لفتوا الحضور في يوم خريفي غائم تمنيت لو تمتد تلك السويعات لولا زحمة البرنامج وقلة الإجازة ودي قصيدة يوسف البنا في ناقته ( الجقلة ) : البلا فيكِ يا الشَنقا الطويلة أم شُوشه البلا فيكِ يا الرُقِك مِقاشر الحُوشه البلا فيكِ يا الفيكِ الرجال مغشوشه مون عارفين كُماجك مُر بسوى الدوشه الشر فيكِ يا الشنقا البهبهب عُرفك مارقة رِدوف مِسعبته راعيه قنطار جرفك يودر سيدو لابُد فى المحافل ظُرفك بطلب ربى ليك يا أُم الحوار ما يصرفك يام راساً مَتربش وللمحن جيابه الله يلادى محنك يا الردوف وعذابا ديمه معينة البلد البعيد تتشابا يتقنت مباريها أب رِدِق ساكلابا معروف الكُناج فوق جقله مهله رتوعها فى الإيد أم مقاما شقه ما بُرضى العوج فارسها يومها التقله عارف كل روحا للتراب منتقله يا جقله العقيدك بكّر فارسك ديمه فى بلد العد بيتوكر ناس بقره وغنم أنا عندى ما بتتشكر لبنك فيو طب للماسكو مرض السكر يا جقله التمونك غاليه ناس منك غِنو صبحت جيوب ناس خاليه ديمع عليك فى الروح العزيزه مباليه يا الشنقا الغرابية أم سراةً عاليه جقله سعادة الولد المكٍتر فيها جقله شقاوة أب حظا بقى مخاتيها جقله عقيدها فاقر بالهويد والتيهه جقله مردمه الشر فوق عوالى سريها جقله سعادة الولد السعى وولدتّا جقله شقاوة أب حظاً أبا يقالدتّا تشبّع سته كان إتكمّشت عتمتّا دى أم دمسه الخداريه الغليد فاسدتّا مرات دارّه مرات هى ومره بسوط ترى دا البجبر الزولللدرك والموت جقله تملى ناجعه مشرته السبّوت جقله بترتع البلد المقاموالتوت جقله بتجدع الفارس نجيض كلفوت إلا إن ولعت نيرانها ما بتموت جقله العفه جقله الفوت جقله الخير وجقله الشر جقله الموت با م شعفهالتملى مكربات شيحانك مع البياح بطنن للعتم حيرانك شنقا وفيك كتانات وماضىجرانك يا الدبسا العكل يوم حربتك دخانك جقله صعيد وجقله السافل جقلهالغرب وجقله سواكن جقله معزة أم حسساً مطول ساكن جقله ولدتا ميلان ناس مصرمساكن حمرا وليها طيار ريش وخفها ماكن جقله مكجنه الحله ورباط البيت ديمه مرادا فى الحدب أب وحوش بتبيت جقله عقيدا للمطموره ديمه شطيط جقله بتجرد البنك إن جرت مربيت الرزامه حنت للبروق الرفّن دايره تراتع الصيدأب طبايعن عفّن جقله جمالها عقرن بالمهاوى ولفّن دايره صمود مكوك مابحدروها درفّن يا التحت الرشايم زام مصع مهدودك من دون السعيه التانيةنادر عودك تمنك غالى بالحيل كان لبستى عقودك قبال تسعه يوم جرد البنوكاقَعُودك جقله الماها بقره عُقَداها ديمه يزربو فوق الجوع تصابر والعطشتسفربه عندها طبعه يوم تنوى الرَفَق بتخبرو عيصها يقلّم الحطب الصريع يفطربه وسلام