بوحُ الأرائك ..

Quote: اتكلمي ....الراجـل ده بتعرفيه مـن وين..أشـار القاضي الي شـاب في حـوالي الثلاثينن من عمـره ..أطلت من عيونه نظـرة ترقب لإجـابتها.. كـان كـمن كـان يـود منها أن تتفق معه في قصته التي لم يبـدأ في أخـبارها بعـد.. أجـابت في خـوف مـن وقع في المصـيده.... أنا ما بعرفـه يامولانـا...انا كـنت بس راجـعة مـن عـرس في(....)..وكـنت ماشية أم درمـان..ماكـان في مواصلات .. ثـم نظـرت للقاضـي في توسـل وهي تشرح أكـثر.. هـو وقف عربيته و قـال لي أركـبي أوصـلك..وانا بس ركـبت الجماعة قبضـونا ......و اسـمك كـامل يامتهم... رفـع رأسه عاليا وركـز نظـراته علي مكـتب القاضـي وهـو يـذكـر اسمه... حـصـل شـنو? اشار علي الشخص الذي قبض عليهم وهـو يرد.. أبـدا يامولانا الزول ده كضـاب... يعني بتنكـر اتهامه ليكم? ايـوه يامـولانا..ماحصـل! نظـر القاضي لفاتح البلاغ...رتبة (أمـن) يعمل قي حملات النظـام العـام.. وسـأله بعـد أداء القسـم.. قبضت الناس ديل وين ? خـرج صـوته عاليا وهـو يقـول... يامـولانا الناس ديل قبضـناهم وعربيتهم ماشـية في شـارع (....) لفت نظـرنا العربية ماماشية عـديل.... باريناها... شــكيتا في حـاجـة غـريبة بتحصل.... سـكيناهم ووقفناهم.. الزول ده...والزولة دي كـانوا في حـالة ماتمام ...هـو كـان (.....) وهي كـانت (.......) قبصـنا عليهم وكشفنا عليه...أصـلو بامولانا مافي طـريقة كـضب... والإثبات ياهـو ده (....) والآثـار كـلها فيه (اخـرج مـن الكيس الدليل) ..الكشف الطـبي أثبت وطـابق العينات ...وياهـو ده التقرير الجـنائي.. أكـمل حـديثه ثـم رجـع خـطـوات للخـلف وهـو يضـع ذراعيه خـلف ظـهره.... ويركـز نظـراته علي القاضـي... نـاداها القاضي مـرة اخـري.. قلتي شـنو..هاتعترفي ولا لأ?? خـلاص يامـولانا.... والله أنـا ماعنـدي ذنب ..قال لي بوصلك وانا صـدقت.. في السـكة قـال لي لازم (....) ولا ما بيوصـلني وما بينزلني..خفت يامولانا لامن لقيتو طـاير بالعربية..وافقت...لكـن أنا ماعملت حـاجة ..بس (....)