علاقة الاستاذ محمد عبدالقادر سبيل بالانقاذ

Quote: محمد سيد احمد رمضان كريم يا صديقي وكل عام وانت بخير يعني انت موجود في البورد دا ولابت مالك ؟ كنت اتوقع انك ترحب بي هل اوهام السياسة تنفي العشرة والعلاقات الانسانية؟ ليه كده ياخوانا خلي بالك ناس الجبهة ديل طرطشوكم كلو كلو، وبقو يعملو ليكم ملاوزات يا اخي الذين رشحوني لمجلس ادارة النادي السوداني هم ناس حزب الامة عشان تعرف والسفير وافق علي اسمي بصفتي زول معروف في الاوساط الثقافية الاماراتية ومؤسسات الدولة في الامارات ، وهذا من فضل الله علي وانت تعرف هذه الحقيقة والسؤال الاهم هو لماذا ذهب ناس التجمع بأنفسهم الى السفير وطلبوا منه تشكيل مجلس ادارة ( اجماع وطني ) فالسفير لم يذهب الى المعارضين يا حبيبي هم الذين سعو اليه وهو بارك الفكرة وبارك اقتراحاتهم وبناء على ذلك دعا اعيان الجالية الى السفارة، والعبد الضعيف كان من ( الاعياااااان) وثانيا رشحني ايضا ( عمر صديق هل تعرف توجهاته ؟) وذلك ضمن اللجنة المنبثقة من اجتماع السفير .. أسأل لتعرف . ثم يا اخي ليس كل من يقول لا اله الا الله جبهة وانا لو عايز اكون مع الانقاذ فهل سأخاف من احد ، وهل ناس الانقاذ بيستحوا من زول ،ثم ها أنا الآن أواجه هؤلاء جميعا وكلهم ضد قولي دون ان يرف لي جفن ، فهل تظن اني سأخاف من ان التحق بالانقاذ؟ .. يعني كلام غريب ذاتو يا محمد سيد احمد أنت لا تعرفني حاول يا صديقي ان تتخلص من عقلية ( هلال مريخ ) التي تهيمن على حراكنا السياسي يا انا اشجع اللعبة الحلوة ولعلمك عرضوا علي الوزارة في النيل الازرق واعتذرت ، انتم لاتعرفون الناس وستظلون هكذا الما معاكم ضدكم طوالي عزيزي محمد سيد احمد رمضان كريم وتعال افطر معاي الليلة وبطل الكلام الما عندو طعم دا الدخلت فيكم من الجبهجية ليوم الله ما بتمرق بقيتو تخافو من ضلكم حسبي الله ونعم الوكيل اللهم اني صايم تعال لي اتم ليك الكلام على مائدة الافطار الليلة ما تنسى ( بناية المصبغة الوطنية الحديثة - شارع خليفة شقة 1503 ) --------------------------------------------------------------------------------