|
Re: محلولة دايما بى رجالها - . . ( ورجالها موجودين - ومعروفين ) (Re: عمار عبدالله عبدالرحمن)
|
أخوى عمار شوف
سلامات
شوف من الزمن داك
فى جنـوبنا يا دابو السـلام . . تمـت شـروطـه وانعـقـد طبّـيت ورافـع الانقسـام . . أوصـدت بابـه الـى الأبـد
(بقـر الحلب فى الاغتراب . . للثــورة اكـتر مـن سـند ومال الشهـيد يا محسنـين . . ما برضه ملـوال قـد شهـد
ملـوال أخـوى وكمان ألير . . والمانـقو زمبـيرى الخـلد من دمّى دمّه ومن عضـاى . . وقلبـنا من بـدرى اتحــد)
والمستشهدين هنا فى الشمال . . الـراحوا سمبـلة أو عمـد والراحوا فى التعذيب شمار . . والطـالب البـطل الصـمد
شالـوه أمـنك فى الفجـر . . يوميـن معـاهـم بس أخـد جابوه جثـة وقالوا جنـدى . . أكــان بنـضف فى فـرد
جرحوا أمه فى عز حشاها . . وبـطن أمـه بطـرانة بتـلد لو كتلـوا بالتعذيب محـمد . . مليــون محـمد بتـولــد
روحـه حلـت فى سمـانا . . وجرحه نــوّر فـى البـلد أصـبح مزار كل العـذارى . . قبـره فــتّح حقــل ورد كـل القبـيلة بقت قبـيلته . . وسمّوا إسـمه علـى الـولد
وقـت لـينا نحنا المنقذين . . ألـزم حـدودك يــا ولـد محلولة دايما بـى رجالـها . . ومافـى غـيرهم لـيه يـد
والله يا عمار دى لمن كتبتها كنت
جاى مغيوظ من السفارة ( القنصلية بجدة )
ومن قلة أدب الموظفين الفى الشبابيك
وكتبتها وطوالى أخدت خروج وعودة 6 شهور
ومنها إلى إريتريا ، وكنت قبلها 91 هناك
ثم كان ما كان لكن الناس ديل زى ود الموية الزواغ
ما عند كلمتم
وأنا فى بوست تانى كنت كاتب إنه الكذب جايينا من العنصر العربى
وكنا زمان نفتكر جيرانا كذابين ، لكن لمن خالطنا
بقية العرب عرفنا إنه الكذب الفينا من العرب
هل يا جماعة شوفتوا ليكم واحد جنوبى يكذب
كذاب من يقول شفنا ( وبرضه عربى ممكن يقولها )
سلام كترنا عليكم
|
|
|
|
|
|