|
إنزال علم السودان ورفع علم الامم المتحده فوق قصر البشير
|
بعد الشفنا في اجتماع نيويرك دا، من بكره المفروض يشوفوا زول يطلع سارية القصر ينزل علم ( السودان) ويرفع علم الامم المتحده. أكتر من كده العالم يوريكم انه البلد تحت الوصايه كيف!
لم اسمع او اقراء أطلاقا في كل التاريخ قديمه وحديثه مسؤولين تم ازلالهم واهانتهم ومرمطتهم وتمريغ انوفهم في التراب زي مسؤولين المؤتمر الوطني الهسي ديل.
قيم الكرامه والعزه والاعتداد بالنفس ما بدروسها في المدارس، ياطلع بيها الزول من بطن امه ياما طلع بيها. المعروف بالتجربه انه الكيزان بكل تصنيفاتهم واشكالهم يفتقدوا قيمة الكرامه والاعتزاز بالنفس تماما، وقد اثبت الهوان الحالي ذلك. الاغرب من دا كله انه مسؤولين المؤتمر الوطني لابلسين ليهم بدل وكرفتات ويتبسموا قدام الكمرات بلا خجله.
من يهن يسهل الهوان عليه ما لجرح بميت ايلام
كل الانكسار والهوان دا برضه ما بحلهم، سيذهبوا الي مزبلة التاريخ.
هسي بعد الزله دي كلها يجيك واحد زي الافندي او من شاكلته يقول ليك ( اجتماع نيويورك كان ناجح)!
الماعرف في الفتره الفاتت انه السودان تحت وصاية الامم المتحده اليوم المفروض يكون عرف.
( دخلوها وصقيرها حام)!
|
|
|
|
|
|
|
|
|