ماذا انتــم فاعلون اذا قررت الحكومة المصريــة الرد بارجاع الـ 5 مليون سودانى من مصــر

Quote: نحنا كسودانِيين بِتْملك بعضِنا شُقق وبِيوت في مِصر حتى قبل إتفاقِية "الحُريات الأربعة" بِيوت وشُقق ، نعم ، لكِن سِمعت عن سوداني إتْملك أرض زِراعِية؟ طبعًا ما سِمعت ... لأن بِبساطة ماف أرض زِراعِية في مِصر مُمكِن يِدوها لِزول ... والإتْفاقِية دي فوقا خُبث مِن المِصرِيين ، إتْمرر بِالعبط المعهود في الساسة السودانِ ... دي زي مثلاً إتفِق مع جاري الحالي في السكن وهو يمني الأصل والهوى ، إن نتبادل الأطعِمة فيما ما بيننا وأكتِب في قائِمة أطعمتي السودانِية التي سأدبادلها مع اليمني : (1) التركين (الملوحة). (2) الكَـوَل (نبات يُعلاج بِالتخزين). (3) أُم شِعيفه (ماء مغلي+ويكه+ملح) بس لا بصل لا توم لا لحمه. (4) كجيك (سمك ناشِف). (5) جراد مقلي (يؤكل فقط الغرابا والمحس). (6) كبده إبل. (7) لوبا عفِن. (8) كمونية (مُصران وفشفاش وكرشه) بس بدون كبدة ولحم ظنك زولك اليمني حيسْتفيد حاجة ... طبعًا أنا حأكون مُستفيد لأن مُعظم أكل اليمنِيين مُكَون مِن القمح اللحم الأحمر والسمن والعسل