ما عِندي شيتًا غير العِند أغلب الناس الدخلو ها الطريق ... بس التصَوُف عِند أهلك المحس ما معروف بِالحيل إلا مِن خِلال بضع مشايِخ أكان أكثرهُم صيتًا جَدي الشَيخ الشريف / شيخ إدريس علي الرِضى (المَرضي) جاء مِن مكة لِلسودان لِنشر الطريقة الميرغنِية ( مؤسِسُها بِمكة هو السَيِد/ عبدالله ميرغني المُلقب بِالمحجوب لإحتِجابِهِ عن الخلق زمناً طَويلاً وهو الجَد المُباشِر لِلسَيِد/ مُحمد عُثمان الميرغني الختم الذي أنجب السَيِد/ مُحمد الحسن المعروف بِأب جلابِية ، وُلِد السَيِد/ عبدالله ميرغني بِمكة وأسس بِها طريقتِهِ ثُم أنتقل إلى الطائِف نتيجة لِلصِراع السِياسي الذي دار بَين الأُسر في مكة ) عن طريق البحر الأحمر وإستقرت بِهِ عصا التِرحال بِمنطقة السِكود المحس ولَزِم السِجادة حتى تَوفى. وخشُم بيتنا هو الوحيد الفوقو برضو أنصار على السِكين ، ما بتلقى حاجة مِتِل دي في كُل المحس والسَكود والسبب إنو الخليفة التعايشي قبض على جدي محجوب شيخ إدريس علي الرضى ، حاكِم المحس والسكود والكان بِناهضو ، قبض عليهو بِواسطة الأمير يونِس ود الدِكيم وجابو أُمْ دُرمان ويوم دايِر يِكْتُلو ، شفع ليهو أمير البادِية وبَيت المال السَيِد / مُحمد خليل (الأنصاري الدُنقُلاوي) وكان عارِف مقامو ، التعايشي شفعو فوقو لكِن خلاهو في الإقامة الجبرِية ، بِقو أهل جدي وأولادو بِعودوهو مِن المحس لِغاية اُم دُرمان ، قام جدي زوج ولدو لِبِت أمير البادِية وبَيت المال مُحمد خليل الأنصاري الدُنقُلاوي وأكان إسمها " نفيسة " جابت ليهو " أُم سلمه " ومحمد خليل عِندو بِت إسمها آمنة أكان ماخِدا الإمام المهدي وعِندو مِنا عرفه وواحدة تانِية ما مِتْذكِر إسما. وبِكِدى تحَول الإعتِقاد الصوفي في بيتنا على إستِحياء – على الأقل لِمن كان بِأُم دُرمان مِن أهل جدي محجوب – مِن الختمِية إلى المهدِية وثُم بعد ذلِك أصبحت المهدِية يقين بِالجيل التالي ... الإسْتقر في أُم دُرمان خاصة والعاصِمة عامة.

أنا بديت أمشي الحضره والزِيارة مع أخوالي في بحري ولامِن كِبرت ، فكيت الدرِب ... سنين ... هملتو ... شباب بقى ... قام نديدي رشاد محمد عبدالفتاح بابتود هو وشقيقو ماتو في حادِث طيارة على الحدود الكندِية وجابوهُم في صندوقين لِبحري الشعبية ... دخلت في أزمة نفسية مِن الصدمة ... في أزمتي دي دخلت مع جماعة صوفِية -بِدون ذِكر أسماء- وإتدرَوشت كما لم يتدرَوش أحد مِن قبل وبقى الشيخ يِقدِمْني على المُحِبين ومرقت مِن مُلْكي تمامًا ، يعني هملت مصالحي أكان عِندي دكاكين جملة وقطاعي ، في ضواحي مسيد ود عيسى والمعيلِق وقرية فضل وألتي وبركات ... إلخ وكان عندي توكيل الشركة العربية للألبان والخضر والفواكة وتوكيلات مصانِع بحري زي وزي تُجار الجُمله ... المُهِم ده كلو هملتو لِلحالة النفِسية الدخلت فوقا مِن موت أولاد بابتود الإتْنين وعلى العلي إتدرَوشت تاااب ، وبِقيت دايِر أمرُق مِن مُلْكي علشان مقام الزهد أحقِقو ... والله والله والله أسهل حاجة مُمكِن الشيطان يِسيها ليك ، إنو يمَشيك فوق الموية ويخليك تطير وترجِع بيهو الرايحا وتعالِج عبرو البشر ، دي حاجة هَينة جِدًا جِدًا على إبليس وأعوانو. وبجيك لِلحاجات دي لو صفيت ، الحاجات دي -المشي فوق الموية/الطيران/الرايحا/العلاجات- الما بِعرِف والغشيم ، بِظِنها كرامة ... المُهِم يا سيدي الآمنت ليك ، في يوم -شوف ربك لامِن يِعايِن لِعبدو- مرق علينا شيخي وقال إنو شاف اللوح المحفوظ ... والله التقول بقيت مِتِل السكران الخبتو كف مُحْترم ، وِعيت في التو واللحظة يا زول ، مِن ها اللحظة ، القال فيها شيخي إنو شاف اللَوح المحفوظ ، فكيت دربو تاااب ، لكِن حلاوة < القُرب > ومقام < الصبر > وأخوانو بقيت بشْتاقلو ... جمعت كُتُب الصوفِية ... سافرت مصر وخميت كُتُب كتيره ورجعت السودان وعكفت عليها ... وقربت مِن سيدي زين العابدين راجِل شمبات ألف رحمة ونور عليهو ... أبى يِديني الطريقة السمانِية ، أكان بِقول لي إنت طريقك ما دا ، بس ريدنا بنريدك ، المُهِم وأنا في مراتي دي عكفت على كُتُبي ، لقيت مِتِل ما قال الإمام الغزالي ، سيد الإسم ، فيما معناهو [ماف طريق بِوصِل لله وفوقو حلاوة إلا الصوفِية ... بس ياتو صوفِية ... أيواااا هِنا الكلام ... الصوفِية بِقت مرتع الهُمْل والعطالة والأفاقين وفوقا اليَوم كفر ودجل عجيب وغريب ... وده موضوع ها العمود

(عدل بواسطة عزام حسن فرح on 08-07-2010, 07:56 AM)

العنوان	الكاتب	Date
أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-05-10, 01:44 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-05-10, 01:47 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-05-10, 01:49 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	هاشم نوريت	08-05-10, 02:09 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-06-10, 04:05 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	حاتم محمود الجاك	08-06-10, 06:44 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	محمد عثمان الحاج	08-06-10, 05:14 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-06-10, 07:00 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	يحيى العوض	08-07-10, 00:12 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-07-10, 08:24 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-09-10, 07:45 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	Hassan Makkawi	08-09-10, 08:08 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-10-10, 06:09 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	محمد عثمان الحاج	08-10-10, 06:37 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	يحيى العوض	08-10-10, 11:00 AM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-10-10, 02:24 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	محمد عثمان الحاج	08-10-10, 07:38 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-18-10, 10:50 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-18-10, 10:59 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-19-10, 05:19 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-19-10, 05:37 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-19-10, 06:05 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-19-10, 06:21 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-19-10, 07:53 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-20-10, 07:22 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-21-10, 05:57 PM
Re: أقول قَولي ، فيما كتبه أُستاذي وشَيخي / يحيى العَوض ، وأستغفِر الله لي ولكُم	عزام حسن فرح	08-23-10, 07:53 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]