|
Re: دفاعا عن النظام العام ,,,, (Re: محمد أبوالعزائم أبوالريش)
|
عمار يا فنان،
تعرف، أنا "تأدّبت" في حضرة النظام العام منذ أن تمسكن، قبل أن يتمكن، يعني عملو معاي بروفة - عمل تجريبي..
فذات مساءٍ ذو نسيم عليل، كنا آتيان من حالة مسرحية بقصر الشباب والأطفال، كانت معي صديقة، لطيفة وجميلة وأنيقة، لابسة الإسكريت المشروط بالجَنْبَة (حسب ما علّق عليها أحد أطفال حيّها الشعبي) ركبنا"يا عم" من أمام القصر فأنزلنا في حائق الهلتون لأنو كان داخل الفندق، فغزّينا السيْر لتلافي زمن عدم التجوال، ونحنا نتلفت لى "يا عم" فركنت أمامنا عربة الجندرمة المكتظة بالشرطة، وسرعان ما فصلونا عن بعض بمسافة لحجب أن نسمع بعضنا البعض، سألني الضابض عن اسمي: - عادل عبد الرحمن.. فسأل الضابض زميله الما ضابض، بصوت عالي: - قالت ليك اسمها منو؟ - اسمها ... عبد الرحمن - طيّب، سيبا، ديل أخوان! (طبعا، كانت صدفة لم يخطر على بالنا استخدامها)
وحين توكلا على صيدٍ آخر، قالت لي أختي المزعومة: - تصدّق! الضابض التاني الكان واقف قريب مني، شاغلني! - شفتو! - شفتو يا ########، وما اتكلمتَ معاهو وشاكلتو ليْيييه؟! - يا بت إنتي مجنونة، قولي حمدلة على السلامة، القصة دي لو جابت ليها طلّيع بطاقات، إنتي ما عارفة جدّي منو، وجدك منو؟!! - كلامك صاح، لكين أنا برضو زعلانة، هن مالُن ومالنا؟! - ها زولة هة، إنتي شفتي حاجة.. دي يا دوب المناظر، الفلم جايْ قدام.
ومن يوميها، كلما أتذكر هذا المشهد: مرة أزعل ومرة أخجل، ومرات عديدة الإثنان معاً، إلى أن مرّت الأيام، واعتقلت مع أختيَّ الحقيقتيْن، وثالثتهنّ حبيبة، ودي الطيّرتنا من البلد!!!
|
|
|
|
|
|
|
العنوان |
الكاتب |
Date |
دفاعا عن النظام العام ,,,, | عمار عبدالله عبدالرحمن | 08-05-10, 11:59 AM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:03 PM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:07 PM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:12 PM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:13 PM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:14 PM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:14 PM |
Re: دفاعا عن النظام العام ,,,, | عمار عبدالله عبدالرحمن | 08-05-10, 12:28 PM |
Re: دفاعا عن النظام العام ,,,, | Nasruddin Al Basheer | 08-05-10, 01:07 PM |
Re: دفاعا عن النظام العام ,,,, | محمد أبوالعزائم أبوالريش | 08-05-10, 01:16 PM |
Re: دفاعا عن النظام العام ,,,, | عادل عبدالرحمن | 08-05-10, 02:02 PM |
Re: دفاعا عن النظام العام ,,,, | Mohammed Haroun | 08-05-10, 02:11 PM |
Re: دفاعا عن النظام العام ,,,, | عمار عبدالله عبدالرحمن | 08-07-10, 00:39 AM |
|
|
|