|
|
 Re: فى سوق صابرين بالثورات يباع الطين (Re: بلدى يا حبوب)
|
اما فى صابرين والتحية للناس الحلوييين الزول اللماح وليم اندرية ولمن قلته حلويين براكم عرفته السبب ناس بلدى يا حببوب اصلو بتعمقوا فى مزالق صابرين لكن وايم اندريه اكيد جابه الشارع وجذبته المنقه والزول محق فى صابرين ناس عايشين وديلك لليوم دايشسين ولو عملنا فزلقة تاريخيه لسوق صابرين كانت البداية نهاية شارع الشنقيطى الاولى بسوق ام دفسوا جار ناس الحارة 14 والتاسعة ولان فراشة السوق تعودوا على الجو الخالى من انلفونزا المحليات وكراهية عسكر النهايات نزحوا الى نهاية الشارع الجديدة ولمن امتد شارع الشنقيطى شمالا كانت الحكومة اسرع كعادتها فى كبح مزاج العباد اتشأت حارات السكن الجاهز ابو اوضة بلتنى ومطبخ ذى دائرة الكورنه فمكث فراشة صابرين وحاولوا الاتجاه غربا ولكن الحكومة ايضا سارعت بقيام حارات جديدة وحينئذ لم يجد احباينا فى صابرين غير التمرس فى المكان ومجار اة مزاج العباد فى شراء الحاجات لو داير تفاح ومنقه بتلقاه لو داير موز ابونقطة او ابو سفه بتلقاه يعنى كل شيىء موجود واجمل حاجة ما بتخذلك الفلوس وذى ما اسلفت فرخة صابرين ما عليها الا الاصطبار والرضى بالمكتوب لانو الرجلين كوارع وحواشى البطن جقاجق والرقبه مطايب بس المحيرنى الريش وبودوه وين حرم قدر ما لفيت فى نفايات صابرين المتقاربة ذى الروابة والعجين شوف عنيى مالاقيت لى ريشة وما زال سر الريش محيرنى ز
صابرين يا ناس فيها اللحمة بالميزان بقرى وعجالى وضأن يبهج العين وكله بتمنه وكمان فيها كمونية مكاتملة اوضة وصالون وصالة ومطبخ ما يقوم واحد يقول لى ما فيها منافع ليه اصلو الكمونية هى ام المنافع بشهادة سلخانة صابرين المتجولة خوفا من صحة البيئة كمونية صابرين محروسة بعرمرم من القاذفات ( ذباب عسلى اللون- وزواحف لا تفارق – وكمان باعوض بعد ان مله دم العباد اتجه الى دماء كمونية صابرين النازفه حتى وصولها الى الحلة)
مواصلين
بس ابقو صابرين
|
|
 
|
|
|
|
|
| العنوان |
الكاتب |
Date |
| فى سوق صابرين بالثورات يباع الطين | بلدى يا حبوب | 07-30-10, 11:04 PM |
| Re: فى سوق صابرين بالثورات يباع الطين | سجيمان | 07-30-10, 11:18 PM |
| Re: فى سوق صابرين بالثورات يباع الطين | بلدى يا حبوب | 07-31-10, 12:07 PM |
| Re: فى سوق صابرين بالثورات يباع الطين | بلدى يا حبوب | 08-01-10, 06:46 PM |
| Re: فى سوق صابرين بالثورات يباع الطين | willeim andrea | 08-01-10, 06:59 PM |
| Re: فى سوق صابرين بالثورات يباع الطين | بلدى يا حبوب | 08-02-10, 08:05 AM |
| Re: فى سوق صابرين بالثورات يباع الطين | بلدى يا حبوب | 08-02-10, 08:11 AM |
| Re: فى سوق صابرين بالثورات يباع الطين | humida | 08-02-10, 08:33 AM |
| Re: فى سوق صابرين بالثورات يباع الطين | humida | 08-02-10, 08:34 AM |
| Re: فى سوق صابرين بالثورات يباع الطين | willeim andrea | 08-02-10, 12:25 PM |
| Re: فى سوق صابرين بالثورات يباع الطين | بلدى يا حبوب | 08-05-10, 07:23 PM |
| Re: فى سوق صابرين بالثورات يباع الطين | بلدى يا حبوب | 08-05-10, 08:20 PM |
| Re: فى سوق صابرين بالثورات يباع الطين | بكري عباس علي | 08-05-10, 08:38 PM |
| Re: فى سوق صابرين بالثورات يباع الطين | abuarafa | 08-05-10, 10:15 PM |
|
| |
بلدى يا حبوب
فيس بوك
تويتر
انستقرام
يوتيوب
بنتيريست