|
Re: هسـي دا ياهــــو أدبك !!! (Re: Abdulrahman Eldaw)
|
لم تكن غريب مثل هذا السلوك والظلم يتوزع بين الظرقات.......فهناك من يبيع الوهم لعلاج السكري ..علاج السرطان علاج العقم.....هل تصدق اني اعرف من باع تراب جمعه من نفس مكانه وباعه وطلع حق الفطور دون ان يكذب، كلما ساله المشتري يقول له انه تراب جمعته من هنا، فيخاف من هذا الصدق حتي باعه كله (حوالي عشرين كوم). طالما ان القرود تقاتل مع المجاهدين ماالذي يمنع مثل هذا (الادب) من الانتشار؟ في تقديري ان مثل هذا الانحطاط ملازم للانحطاط السياسي والثقافي والمعرفي ، الذي تمارسه السلطة (وهو نحن حانفرف اكثر من الراديو والتلفزيون؟) كدي اتفرج علي ناس حنان سكليب ديل .........Quote: Quote: حنان سكليب!! الفاتح يوسف جبرا
ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح! عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)! عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة! فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية! - كلمتى (عوضية ردحى)؟ همست (سوسو) لجارتها وصديقتها (نوسة) والتى مالت قريبا منها وهى تجيبها: - والله (عوضية ردحى) دى قالو عندها مناسبت بكاء فى (مدنى) سافرت مشت ليها، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم. - وشالت منك البيانات! - أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟ انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا).. وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء: ووووب ووووب ووووووووووووووووووووووووووووووووووووووووووووووووووب.. ثم تبدأ (حنان سكليب) فى السكلى و(الوصف) وهن يرددن خلفها: - ووووب عليا والله ليا يا حسن يوروو يا البتدى البتدورو والما بتدورو ووووب عليا والله يا صغير وجاهل يا البتجيب القروش بالساهل يا ود امي.. هيء يء يء يء .. الكورس : وووب ... وووب ...ووووووووب الليله يا حليلك يا زين الرجال ياملك الدولار يا البتستر الحال الليله يا حليلك يا البتشيل من البنوك وتشتت قبال ما يلحقوك يا ود امي.. هيء يء يء يء .. الكورس: وووب ... وووب ...ووووووووب الليلة وينك إنتا يا الإسبليت هبوبك والهمر ركوبك الليله وينك إنتا يا البنيت المقصورة وركبت النافورة الليله وينك إنتا يا أب جيوب منفخة وأب عربية مصفحة يا ود امي.. هيء يء يء يء .. الكورس: وووب ... وووب ...ووووووووب يا حليلك الليله يا البتفك الصعيبة ويا البتسجل اللعيبة يا حليلك الليله يا جوكى البنوك يا التهريبك بالسنبوك يا ود امي.. هيء يء يء يء .. الكورس: وووب ... وووب ...ووووووووب ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة: - قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيه
|
|
|
|
|
|
|
|
العنوان |
الكاتب |
Date |
هسـي دا ياهــــو أدبك !!! | Amjed | 07-27-10, 07:44 AM |
Re: هسـي دا ياهــــو أدبك !!! | Elkhawad | 07-27-10, 07:53 AM |
Re: هسـي دا ياهــــو أدبك !!! | osman righeem | 07-27-10, 08:02 AM |
Re: هسـي دا ياهــــو أدبك !!! | ياسر بيناوي | 07-27-10, 08:26 AM |
Re: هسـي دا ياهــــو أدبك !!! | دينا خالد | 07-27-10, 09:14 AM |
Re: هسـي دا ياهــــو أدبك !!! | tmbis | 07-27-10, 09:23 AM |
Re: هسـي دا ياهــــو أدبك !!! | amir jabir | 07-27-10, 09:31 AM |
Re: هسـي دا ياهــــو أدبك !!! | فدياس نجم الدين | 07-27-10, 09:34 AM |
Re: هسـي دا ياهــــو أدبك !!! | Siham Elmugammar | 07-27-10, 09:40 AM |
Re: هسـي دا ياهــــو أدبك !!! | GamarBoBa | 07-27-10, 10:14 AM |
Re: هسـي دا ياهــــو أدبك !!! | tmbis | 07-27-10, 10:41 AM |
Re: هسـي دا ياهــــو أدبك !!! | Amjed | 07-27-10, 10:48 AM |
Re: هسـي دا ياهــــو أدبك !!! | Amjed | 07-27-10, 10:49 AM |
Re: هسـي دا ياهــــو أدبك !!! | GamarBoBa | 07-27-10, 11:02 AM |
Re: هسـي دا ياهــــو أدبك !!! | Amjed | 07-27-10, 12:09 PM |
Re: هسـي دا ياهــــو أدبك !!! | Amira Elsheikh | 07-27-10, 12:56 PM |
Re: هسـي دا ياهــــو أدبك !!! | محمد عبد الماجد الصايم | 07-27-10, 01:17 PM |
Re: هسـي دا ياهــــو أدبك !!! | حمزة سيف الشريف | 07-27-10, 01:22 PM |
Re: هسـي دا ياهــــو أدبك !!! | محمد البشرى الخضر | 07-27-10, 01:42 PM |
Re: هسـي دا ياهــــو أدبك !!! | Amjed | 07-27-10, 01:25 PM |
Re: هسـي دا ياهــــو أدبك !!! | عفاف الصادق بابكر | 07-27-10, 01:39 PM |
Re: هسـي دا ياهــــو أدبك !!! | طارق جبريل | 07-27-10, 01:58 PM |
Re: هسـي دا ياهــــو أدبك !!! | بهاء بكري | 07-27-10, 02:04 PM |
Re: هسـي دا ياهــــو أدبك !!! | Abdulrahman Eldaw | 07-27-10, 03:39 PM |
Re: هسـي دا ياهــــو أدبك !!! | BAKTASH | 07-27-10, 04:07 PM |
Re: هسـي دا ياهــــو أدبك !!! | آدم صيام | 07-27-10, 04:33 PM |
Re: هسـي دا ياهــــو أدبك !!! | Amjed | 07-27-10, 04:43 PM |
Re: هسـي دا ياهــــو أدبك !!! | ibrahim alnimma | 07-27-10, 04:45 PM |
Re: هسـي دا ياهــــو أدبك !!! | Amjed | 07-27-10, 04:47 PM |
Re: هسـي دا ياهــــو أدبك !!! | Amjed | 07-27-10, 04:56 PM |
Re: هسـي دا ياهــــو أدبك !!! | Amjed | 07-27-10, 04:58 PM |
Re: هسـي دا ياهــــو أدبك !!! | Amjed | 07-27-10, 05:00 PM |
Re: هسـي دا ياهــــو أدبك !!! | Amjed | 07-27-10, 05:10 PM |
Re: هسـي دا ياهــــو أدبك !!! | Amjed | 07-27-10, 05:11 PM |
Re: هسـي دا ياهــــو أدبك !!! | Amjed | 07-27-10, 05:18 PM |
Re: هسـي دا ياهــــو أدبك !!! | Amjed | 07-27-10, 05:20 PM |
Re: هسـي دا ياهــــو أدبك !!! | Amjed | 07-27-10, 05:22 PM |
Re: هسـي دا ياهــــو أدبك !!! | Amjed | 07-27-10, 05:23 PM |
Re: هسـي دا ياهــــو أدبك !!! | Abdulrahman Eldaw | 07-29-10, 11:33 AM |
Re: هسـي دا ياهــــو أدبك !!! | الفاتح علي التوم | 07-27-10, 05:11 PM |
Re: هسـي دا ياهــــو أدبك !!! | Amjed | 07-27-10, 05:26 PM |
Re: هسـي دا ياهــــو أدبك !!! | Amjed | 07-27-10, 05:31 PM |
Re: هسـي دا ياهــــو أدبك !!! | خضر حسين خليل | 07-27-10, 05:42 PM |
Re: هسـي دا ياهــــو أدبك !!! | صديق عبد الجبار | 07-27-10, 06:54 PM |
Re: هسـي دا ياهــــو أدبك !!! | Soumeta | 07-27-10, 07:17 PM |
Re: هسـي دا ياهــــو أدبك !!! | عفاف الصادق بابكر | 07-28-10, 07:41 AM |
Re: هسـي دا ياهــــو أدبك !!! | عماد شمت | 07-29-10, 02:37 PM |
Re: هسـي دا ياهــــو أدبك !!! | تبارك شيخ الدين جبريل | 07-29-10, 04:24 PM |
Re: هسـي دا ياهــــو أدبك !!! | Amjed | 07-30-10, 00:52 AM |
Re: هسـي دا ياهــــو أدبك !!! | Amjed | 07-31-10, 00:00 AM |
|
|
|