|
Re: إبن حلال يفتح الباب ؟؟ .. يمكن !!! (Re: talha alsayed)
|
في الخليج المُشكِلة بتكون أكثر حِده ... لا حفلات لا أماكِن يتلاقى فيها البشر المدارِس والجامعات مُنفصِلة حتى الأسواق الكبيرة خصصت يوم لِلنِساء والحدائِق العامة كذلِك ... وين يِشوف الشاب بِعينو المُجردة بس ، الفتاة ، زي ما بِحصل في السودان؟
في عزومة عملتها في بيتي قبل كام شهر ، إختر فوقا أسماء مُعَينه ... رُجال عِندها بنات في سِن الزواج ورُجال عِندهُم أولاد شباب في سِن الزواج ... إقترحت عليهُم إنو نشوف حل لِلمُشكِلة دي ... نعمِل رِحلات أُسرية (الأب والأم وبناتُم وأولادُمْ) ونكثِف الزِيارات العائِلية لِلقاء الأولاد بِبعض تحت عين الكِبار ... دُروس تقوِية في عُلوم الكُمبِيوتر ... الإنكِليزي ... الفيزياء ... إلخ بِمُدرِس مُتخصِص ومُراقبة الآباء وده يِكون في أحد منازِل أولِياء الأمور ... المدعووين أمنوا على مُقترحي وأكلو وشِربو والموضوع إنتهى على كِده ... أنا بادرت بِالحِكاية دي لأني الوحيد الما عِندو بِت في الغُربة جاهزة لِلعِرس في الوقت الحاضِر ... في البال أعمِل عزومة تانِية وعاوِز أسْتهدِف الجمعِيات الموجودة في البلد ، زي جمعِية أبناء السَكود ... المحس ... دُنقُلا ... حلفا ... إلخ
أنا بفتكِر أُس المُشكِلة في الآباء والأُمهات
|
|
|
|
|
|
|
|
|