الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 Re: أوكامبو يده مغلولة ولا يستطيع القبض على الرئيس السوداني (Re: Munir)
|
حبيبنا منير
تحيه وتقدير
شكلنا كده البوست ده حنقعد فيهو كتير مع بعض
| Quote: الفرق بين الصين والغرب أن الصين تريد التعامل مع بلد واحدة مستقرة لتفيد وتستفيد |
يا سيدي أول حاجه قبل ما نشوف الغرب ونشوف الصين وخطتهم الجايين بيها السودان كده خلينا نتفق على حقائق معينه واحد اتنين تلاته , بعد داك نشوف ناس بره جايننا بي ياتو اجنده ...
أول حاجه انا شايف اننا كسودانيين مشكلتنا الاولى في تعريفنا للسوداني ذاتو , ودي قضيه حقيقيه صعب انكارها من اي شخص ينظر لواقعنا بتجرد .
تاني حاجه النظم السياسيه القامت في السودان جميعها ما كانت بتعبر عن كل السودانيين , ودي برضو حقيقه فكان هناك على الدوام تذمر في منطقه ما لعدم شعور الناس هناك بأن السلطه تعبر عنهم ...
تالت حاجه في مظالم تاريخيه لها جذور اجتماعيه ما وجدت اي عمل جادي لاحتوائها فكان هناك على الدوام فارق نفسي بين مكونات السودان البشريه , والفارق النفسي ده ادى لفوارق تانيه ...
اذن اسباب الصراع هي اسباب داخليه في المقام الاول قبل ما تتدخل امريكا او الصين في الموضوع ...
كيف تعاملت الدوله مع اسباب الصراع الحقيقيه؟
الدوله تعاملت مع الاسباب الحقيقيه بطريقه (بيع الريش) الشهيره , واعتمدت على حلول عسكريه و ترضيات ولم تنتهج منهج شامل واضح يعالج جذور المشكله , لذلك كل ما تنجح الدوله في تدمير حركه متمرده مسلحه , أو توقع معها اتفاق , تظهر حركه تانيه , الحال ده كان في الجنوب وهو ذات الحال في دارفور , (اضرب واقصف ,اشتري ذمم البعض !)...
الحال ده كان في الجنوب واستمر وما كان ليهو تداعيات كبيره مثل الذي حدث في دارفور , والسبب في تقديري هو ثوره المعلومات فقط , وده هو الذي ادى برضو للتدخل الدولي في القضيه لأنها اصبحت قضيه رأي عام في كثير من الدول بفعل مجهود جبار قام به ابناء دارفور ,
حتي صدرت المذكره بجلب الريس ....
اذن تعامل الدوله مع تلك الحقائق الموجوده على الارض هو الادي للتدخل الدولي , والمعروف ان الغرب لا يتعامل مع الانظمه الدكتاتوريه (الريحتها فايحه) فقط لتعرضه لضغوط داخليه في المقام الاول وده الخلى الحكومه تلجأ الى الصين , والصين دوله معروفه للجميع بأنها من اكبر دكتاتوريات العالم .
المشكله يا منير ان بعض الافراد ما قادرين يعرفوا ان مسأله العداله دي بالنسبه لأهل دارفور اصبحت مسأله اهم من المطالب الي من اجلها رفعوا الناس السلاح , ولا يمكن ان يتم توقيع سلام بدون محاسبه المسئولين عن الجرائم الكبيره التي حدثت , والساعد الناس دي ما تعرف الحقيقه دي او تحسها هو الفارق النفسي الاشرت ليك عليهو قبيل , للاسف الشديد هناك من ينظر لما حدث في دارفور بدم بارد , وكأن هؤلاء ليسوا شركاءه في الوطن , وهنا تكمن الخطوره ...
هل لو خرج بعض الشباب على السلطه في حلفا وقامت السلطه بقصف حلفا وتدمير بربر ودنقلا وقتل الالاف , هل كان سيكون موقف هؤلاء ذات الموقف ؟!! لا والف لا , ولكانو طلبوا عون اسرائل ذاتها للتخلص من هذا النظام , اذن الفارق النفسي ده هو الخطر الحقيقى الان بالنسبه لوحده البلد ...
بعض العقلاء المدركين لحقيقه طلب العداله قدموا بدائل للمحكمه الجنائيه , وهي المحاكم المختلطه , لكن للاسف برضو الدوله ونتيجه غرور ما عارف جاي من وين رفضت وتعنتت ومازلت ...
في كل ما تقدم تجد ان الدور الخارجي كان انعكاس لأوضاع داخليه وليس العكس , لا اعتقد ولا اقبل اي حديث عن عملاء وخونه و .... الخ , بل توصلت لحقيقه نتيجه تجارب خاصه ان اكثر من يردد ذلك القول هواكثر الناس خيانه لمصالح الامه , ومافي زول بيطلع من بطن أمو عميل أو خاين .... لذلك الخارج ده امر ثانوي في الصراع السوداني ...
الان ونحن واقفين على اعتاب انفصال الجنوب , هل تعتقد يا منير ان أهل دارفور وأهل الشرق الما شاعرين ان الدوله دي بتعبر عنهم وعن آمالهم وتطلعاتهم حيفضلوا في الدوله بعد ذهاب الجنوب , بذات الشروط التي رفضها الجنوب , قطعا لا ...
موضوع اوكامبو ده انا برشح انو حيكون القشه التي ستقصم ظهير البيعير الرابط بين ما سبيقى من السودان ودارفور , خاصه لو استمر تصوير ان البشير مستهدف للكيان المنتمي له وليس لشخصه , كده انت بتضع فواصل بين أمه واحده أو (مفترض تكون كذلك) وتقسمهم الى قسمين قسم يرى في مذكره الجلب عداله له وقسم يرى فيها استهداف له وعندها ستزيد الهوه وحتذهب دارفور ...
طبعا مسأله ان البشير سيستطيع الافلات لأن اوكامبو يده مغلوله كما ذهبت اختنا صاحبه البوست , فده ذاتو البنج البنغش بيهو نفسنا , اكثر من نصف الكره الرضيه الان (محرمه) على رئيس الدوله , بفعل قوانينها الداخليه التي ستلقى القبض عليه فورا , والنصف الاخر يخضع لنفوذ لاعبين كبار سيستغلون علاقاتهم للتضييق عليه أو لارخاء القبضه حسب الحاجه , وفي اخر المطاف هناك طريقين فقط للتخلص من ملاحقه الجنائيه الاولي التسليم , وانا شخصيا بأيد هذا الكلام يسلم الحكم لنائبه الثاني أو لمن يتف عليه ويمشي يسلم نفسوا ويواجه مصيرو , والتاني (ينتحر) على قول السيد ادوارد لينو ...
الا الكنكشه فيهو بدعوى الوطنيه والسياده فده هو الحيفتت السودان ... وبرضو ما حينفد من الملاحقه...
|
|
 
|
|
|
|
|
| العنوان |
الكاتب |
Date |
| أوكامبو يده مغلولة ولا يستطيع القبض على الرئيس السوداني | اميرة السيد | 07-19-10, 06:52 PM |
| Re: أوكامبو يده مغلولة ولا يستطيع القبض على الرئيس السوداني | jini | 07-19-10, 07:03 PM |
| Re: أوكامبو يده مغلولة ولا يستطيع القبض على الرئيس السوداني | Munir | 07-19-10, 08:04 PM |
| Re: أوكامبو يده مغلولة ولا يستطيع القبض على الرئيس السوداني | Mohamed Suleiman | 07-19-10, 08:22 PM |
| Re: أوكامبو يده مغلولة ولا يستطيع القبض على الرئيس السوداني | Munir | 07-19-10, 08:47 PM |
| Re: أوكامبو يده مغلولة ولا يستطيع القبض على الرئيس السوداني | jini | 07-19-10, 08:57 PM |
| Re: أوكامبو يده مغلولة ولا يستطيع القبض على الرئيس السوداني | اميرة السيد | 07-19-10, 09:05 PM |
| Re: أوكامبو يده مغلولة ولا يستطيع القبض على الرئيس السوداني | Munir | 07-19-10, 10:06 PM |
| Re: أوكامبو يده مغلولة ولا يستطيع القبض على الرئيس السوداني | الامين موسى البشاري | 07-19-10, 09:11 PM |
| Re: أوكامبو يده مغلولة ولا يستطيع القبض على الرئيس السوداني | عوض محمد احمد | 07-19-10, 09:53 PM |
| Re: أوكامبو يده مغلولة ولا يستطيع القبض على الرئيس السوداني | مجدى محمد مصطفى | 07-19-10, 09:48 PM |
| Re: أوكامبو يده مغلولة ولا يستطيع القبض على الرئيس السوداني | عبد المنعم سليمان | 07-19-10, 09:56 PM |
| Re: أوكامبو يده مغلولة ولا يستطيع القبض على الرئيس السوداني | محمد على طه الملك | 07-19-10, 10:38 PM |
| Re: أوكامبو يده مغلولة ولا يستطيع القبض على الرئيس السوداني | Munir | 07-19-10, 10:52 PM |
| Re: أوكامبو يده مغلولة ولا يستطيع القبض على الرئيس السوداني | كمال عباس | 07-20-10, 01:19 AM |
| Re: أوكامبو يده مغلولة ولا يستطيع القبض على الرئيس السوداني | خيرى بخيت خيرى | 07-20-10, 01:56 AM |
| Re: أوكامبو يده مغلولة ولا يستطيع القبض على الرئيس السوداني | مجدى محمد مصطفى | 07-20-10, 08:10 PM |
| Re: أوكامبو يده مغلولة ولا يستطيع القبض على الرئيس السوداني | مجدى محمد مصطفى | 07-20-10, 06:47 PM |
| Re: أوكامبو يده مغلولة ولا يستطيع القبض على الرئيس السوداني | كمال عباس | 07-20-10, 03:05 PM |
| Re: أوكامبو يده مغلولة ولا يستطيع القبض على الرئيس السوداني | كمال عباس | 07-20-10, 03:05 PM |
| Re: أوكامبو يده مغلولة ولا يستطيع القبض على الرئيس السوداني | الامين موسى البشاري | 07-20-10, 03:30 PM |
| Re: أوكامبو يده مغلولة ولا يستطيع القبض على الرئيس السوداني | اميرة السيد | 07-20-10, 05:23 PM |
| Re: أوكامبو يده مغلولة ولا يستطيع القبض على الرئيس السوداني | محمد على طه الملك | 07-20-10, 06:10 PM |
| Re: أوكامبو يده مغلولة ولا يستطيع القبض على الرئيس السوداني | مجدى محمد مصطفى | 07-20-10, 07:01 PM |
| Re: أوكامبو يده مغلولة ولا يستطيع القبض على الرئيس السوداني | Elawad Eltayeb | 07-20-10, 07:21 PM |
| Re: أوكامبو يده مغلولة ولا يستطيع القبض على الرئيس السوداني | الامين موسى البشاري | 07-20-10, 07:52 PM |
| Re: أوكامبو يده مغلولة ولا يستطيع القبض على الرئيس السوداني | اميرة السيد | 07-20-10, 08:21 PM |
| Re: أوكامبو يده مغلولة ولا يستطيع القبض على الرئيس السوداني | Zoal Wahid | 07-20-10, 08:44 PM |
| Re: أوكامبو يده مغلولة ولا يستطيع القبض على الرئيس السوداني | اميرة السيد | 07-20-10, 09:00 PM |
| Re: أوكامبو يده مغلولة ولا يستطيع القبض على الرئيس السوداني | Zoal Wahid | 07-20-10, 09:22 PM |
| Re: أوكامبو يده مغلولة ولا يستطيع القبض على الرئيس السوداني | الامين موسى البشاري | 07-20-10, 09:48 PM |
| Re: أوكامبو يده مغلولة ولا يستطيع القبض على الرئيس السوداني | Munir | 07-20-10, 09:35 PM |
| Re: أوكامبو يده مغلولة ولا يستطيع القبض على الرئيس السوداني | Munir | 07-21-10, 12:33 PM |
| Re: أوكامبو يده مغلولة ولا يستطيع القبض على الرئيس السوداني | دينا خالد | 07-22-10, 07:29 AM |
| Re: أوكامبو يده مغلولة ولا يستطيع القبض على الرئيس السوداني | omer osman | 07-22-10, 12:21 PM |
| Re: أوكامبو يده مغلولة ولا يستطيع القبض على الرئيس السوداني | اميرة السيد | 07-22-10, 02:43 PM |
|
| |
مجدى محمد مصطفى
فيس بوك
تويتر
انستقرام
يوتيوب
بنتيريست