شيزوفرانيا!! او انفصام المتعلم السوداني

Quote: انا ما كوزه و لا حتى يسارية. غير المناسبات الاجتماعية الكبيرة (اعراس و بكيات) بقضى و قت جميل جدا مع صدياقتى الكوزات و غيرهم. لما اكون فى الخرطوم بنمشى ناكل فى سلتير او اوزون. بنفتش كتب فى مكتبة عزة او دار المامون. بنطلع نتمشى فى كبرى شمبات او بنمشى نتسوق فى كل اسواق الخرطوم.او نمشى حفلة عقد الجلاد او ابو الامين. ما فى واحده كوزه قالت قبل كده :"ما بعمل معاك الحاجه دى لانها حرام". احتمال اكون انا زاتى مملة خاصة او انى سودانية معتدلة بصلى و ما بشرب. لكن انا برضوا ما عندى مشكلة مع اصحابى الاقباط فى الخرطوم و المسيحيين عموما و الا دينيين فى البلد اللى انا عايشة فيها. و ما فى زول منهم قال عنى انى مملة بسبب انى ما بشرب.