|
Re: فوائد الماء الذي يقدم مع القهوة (Re: almulaomar)
|
الملا .. تصدق .. قاطع لي كباية موية هسع دي قبل ما افتح هذا البوست .. طبعا لي اسبوع بديت اشرب موية و اعتني بحالتي الصحية بعد ما اقنعت نفسي ان اتخلى عن فكرة انه اموت بسرعة .. نسبة لانه اشتريت تلاجة و خلاط .. و اكتشفت انه المغصة حتكتلني لو ما خلصت قروشي من الكرور الانا لاميهو و مت وهم ساكت كدا .. غير تأكيدات حرمنا المصون المتكررة انها في حالة دقست و اتلحست سوف تتزوج اقرب ولد عماً ليها ممن كانوا ينظرون الي شذراً يوم العرس .. و نكاية فيها بديت اجك عديل .. ( طبعا فوق السطوح لانه لو نزلت الشارع احتمال كبير تطقني عربية ) .. لكن طبعا ما سألتني ليه في الاساس انا بشرب قهوة ( تسمى استعباطا توركش كوفي ) .. شوف يا حبيب انا شغال لي مع مصريين داخلين في شخصيات بتاعت البكباشي و نازلي هانم و فاكينها فيني كدا بالطريقة الصاح .. اليوم كلو بطلبوا في حاجات كدا غريبة .. موية بيريه و كريم شانتي و اسكلوب باني .. اها انا الوحيد البجي من الصباح بقول عبارة ( شاي حليب سكر زيادة ) .. بقيت احس ان التي بوي ما بحترمني عديل .. كونه ما بطلب طلبات ممكن تضيف ليهو اي خبرة في حياته العملية .. اها قعدت معاهو كدا .. و يا حبوب البرضيك شنو عشان تعاملني كمدير .. قال لي و الله بالميت كدا ياخي اشرب ليك توركش كوفي من الصباح عشان تديني احساس انه عندك راس لازم يتوزن .. و لو داير تجيب من الآخر اشربا بدون سكر .. كدا بتكون اتقطعت عديل .. اها يا عمك بقيت اخد لي نص ساعة في البيت الصباح اشرب ( شاي حليب سكر زيادة ) .. بعدين اجي المكتب للتوركش كوفي .. لكن حاسي انه الموضوع دا بضغط علي علبة اللبن بتاعتنا .. و يهدد بانهيار الموارد الاساسية في اي لحظة ..
|
|
|
|
|
|
|
العنوان |
الكاتب |
Date |
فوائد الماء الذي يقدم مع القهوة | almulaomar | 07-12-10, 07:59 AM |
Re: فوائد الماء الذي يقدم مع القهوة | humida | 07-12-10, 08:24 AM |
Re: فوائد الماء الذي يقدم مع القهوة | omer osman | 07-12-10, 08:29 AM |
Re: فوائد الماء الذي يقدم مع القهوة | almulaomar | 07-12-10, 10:06 AM |
Re: فوائد الماء الذي يقدم مع القهوة | almulaomar | 07-12-10, 09:02 AM |
Re: فوائد الماء الذي يقدم مع القهوة | عبدالعزيز حسين عبدالرحيم | 07-12-10, 10:37 AM |
Re: فوائد الماء الذي يقدم مع القهوة | عبدالعزيز حسين عبدالرحيم | 07-12-10, 11:08 AM |
Re: فوائد الماء الذي يقدم مع القهوة | almulaomar | 07-12-10, 11:25 AM |
Re: فوائد الماء الذي يقدم مع القهوة | فايزودالقاضي | 07-12-10, 11:25 AM |
Re: فوائد الماء الذي يقدم مع القهوة | عبدالعزيز حسين عبدالرحيم | 07-12-10, 11:56 AM |
Re: فوائد الماء الذي يقدم مع القهوة | almulaomar | 07-12-10, 02:11 PM |
Re: فوائد الماء الذي يقدم مع القهوة | almulaomar | 07-12-10, 01:39 PM |
|
|
|