البروفيسر(البجاوي) العنصري المؤتمر الوطني وأدانه جماعيه من الاحزاب له(الحلقه الثانيه)!

Quote: يا محمد سليمان سلامات يا زول معاك حق انك تبدي الشك في الطريقة الاتنقل بيها الموضوع. وده ما ذنبي على اية حال. لو كنت مكان الاخ ياسين كان علمت scanning للايميل الجماعي الرسله الزول مكان الاتهام، وفي الحقيقة ده كانت نصيحتي لياسين لمن اتصل بي في هذا الشأن. لكن الخلاهو استعجل وعمل copy and pest شنو ما عارف؟ المهم الحقيقة أنا ما مشغول بحكاية أنه الموضوع يكون مادة منابر عشان كدة ما بقدر اقول ليك غير أنه طرح الموضوع في المنابر ليه اصوله اللي هي في تقديري تفترض حيادية القاريء واعتماده بصورة حقيقيةعلى البينات المادية ومن ثم الموضوعية. ده من حيث المبدأ عشان ماتكون في مماحكة تصرف الناس عن "جريمة الرجل" زي ما هسة حاصل، وطبعا بحمل ياسين تبعات الاخفاق ده بتسرعه الاصلا مافي ليه داعي. أما من ناحيتي: فأنا أعرف جيدا ما أفعل. وهذا ليس للمنابر، وان كان ردي الحاسم بخصوص ما سافعل جاء في سياق محدد جدا أعني به في الاساس الاخوان والاخوات في ملبورن والذين وجدوا أنفسهم مورطين - مثلي- لا ايديهم لا كراعهم نتاج الايميل الجماعي الذي ارسله المدعو فيصل. عموما يا سيدي ولكي نقطع الشك باليقين يمكنك ان ترسل لي ايميلك على بريدي الخاص بالمنبر وحا اقوم اعمل ليك فورورد فورا، وهذه الدعوة موجهه لكل من يعتقد أنه بحاجة لتأكيد أكبر. للتذكير فقط: أنا هنا اتحدث عن نفسي فقط. فليست لي أدنى صلة باي مؤسسة سياسية أو اجتماعية، ومنطلقي لهذه الحملة التي أنويها نابعه من مساس الرجل بالكرامة الانسانية في مستواها العام والاساءة لكل السودانيين على المستوى الخاص دون أدنى حساسية اخلاقية أو دينية او انسانية. ختاما أؤكد ليك ليس في الامر ثورة في الهواء أو الارض هناك مباديء اخلاقية وانسانية يجب ان تسود. محبتي عبد الخالق