|
Re: المتخرطمين ليها شنو؟ (Re: يوسف محمد يوسف)
|
استاذ طارق الامين
تحياتي ليك ول د. سيف وسعادة يوسف محمد يوسف
بوست بفتح ابواب كتيرة واسئلة واجابات اكتر
حنكون متابعين ومساهمين في هذا البوست
معليش، لسه ما جاوبنا على اسئلتك حنقوم نضيف سؤال تاني:
لييه كل الاحزاب السياسية السودانية اختارت الخرطوم لتكون مقرا لرئاسة احزابها؟؟
دي الكبيرة وممكن نلقى ليهم عذر
الكم وسبعين حزب الجداد برضو (حسب متابعتي البسيطة) اغلبها (عشان ما نقول كلها) اختارت الخرطوم ايضا
ياخي المتمردين والثوار باسم الهامش برضو مقر "رئاسة" احزابهم في الخرطوم
معقولة بس؟؟
نعمل حزب سياسي كيف لناس الخرطوم يا سعادتك يوسف محمد يوسف وسط الزحمة دي؟؟ _______________________________ تخريمة: اضغاث احلام:
مرة فكرت في فكرة مجنونة كده، نعمل لينا حركة مسلحة وثورية برضو، من غير سلاح بس نقول مسلحة عشان نركب موجة الاحترامات الماشة دي، اها، وقلت كده اولاد نمرة واحد واتنين يأمنوا المزلقان وكوبري المسلمية عشان قوات الديامة والعشرة والامتداد تجي كابسة من الناحية دي واولاد تلاتة والحلة الجديدة يامنوا كوبري الحرية وشارع الغابة عشان قوات اولاد اللاماب والشجرة والكلاكة يجوا زاحفين وعايمين كمان، وكذا الحال لناس امدرمان وبحري وبري الغرض بس نمشي على الحتات الانتو عارفينها والنظام جديع بالشبابيك في البحر.
تحياتي
|
|
|
|
|
|
|
العنوان |
الكاتب |
Date |
المتخرطمين ليها شنو؟ | طارق الأمين | 07-09-10, 05:15 PM |
Re: المتخرطمين ليها شنو؟ | طارق الأمين | 07-09-10, 05:19 PM |
Re: المتخرطمين ليها شنو؟ | طارق الأمين | 07-09-10, 05:22 PM |
Re: المتخرطمين ليها شنو؟ | طارق الأمين | 07-09-10, 05:24 PM |
Re: المتخرطمين ليها شنو؟ | سيف النصر محي الدين محمد أحمد | 07-09-10, 05:30 PM |
Re: المتخرطمين ليها شنو؟ | طارق الأمين | 07-09-10, 05:36 PM |
Re: المتخرطمين ليها شنو؟ | طارق الأمين | 07-09-10, 05:48 PM |
Re: المتخرطمين ليها شنو؟ | يوسف محمد يوسف | 07-09-10, 06:15 PM |
Re: المتخرطمين ليها شنو؟ | أحمد ابن عوف | 07-10-10, 06:58 AM |
Re: المتخرطمين ليها شنو؟ | محمد الكامل عبد الحليم | 07-10-10, 07:29 AM |
Re: المتخرطمين ليها شنو؟ | دينا خالد | 07-10-10, 07:56 AM |
Re: المتخرطمين ليها شنو؟ | طارق جبريل | 07-13-10, 09:06 PM |
|
|
|