(أبوذر) ... يعيد الإنقاذ القهقهري ...!!!

Quote: محامي الغفلة أحمد موسى. شايفك مركز شديد على الجيش الامريكي وكمان بخلفية قانونية مضروبة. جاوب على ال cross-examination التالي. أولا: هل سمعت يوم واحد الجيش الامريكي ضرب ليهو مواطنين أمريكان في أي ولاية أمريكية !! ثانيا. هل حصل سمعت في جنرال أمريكي قال ما عايز أشوف أسير في أوهايو !! ياخي الجيش الامريكي بحارب في حروب دفاعا عن الولايات المتحدة. والحفاظ على المصالح العلياء ... ياخي ده شعر ما عندك ليهو رقبة. ثالثا. السؤال ده يا محامي السلم. (وكلمة سلم دي لو ما عارفها أمشي أسئل صديقك اللي في القاهرة الذي قلت له " مأجملك" ) السؤال هو . هل حصل يوم سمعت بسياسي أمريكي في أعلى قمة في الجهاز التنفيذي ، يعني مساعد رئيس الجمهورية متهم بتعذيب مواطنين أمريكان ؟ ياخي أنت محامي ومفروض تكون حالف قسم للدفاع عن الابرياء وحقوق الانسان في أي بقعة في العالم. تقوم تجي تكتب لينا هنافي منبر عام وتقول أنك معجب بشخصية إرهابية لديها سجل دموي موثق ؟ ياخي ده أهلو متبرئين منه.ياخي في زول بعذب أستاذه وبعتقل جارتوا؟ تقول لي أنت شفتو في رؤية ؟ وقال أداني كورة لبن قال!! والله دي نافع البتتملق فيهو ده ما ح يصدقك . لأنوا لو قلت شفتوا شايل كورة فيها دم، بتكون مبلوعة. بعدين داير أسئلك سؤال. أنت محامي ولا فكي ؟ ياخي أختشي على دمك ! وأنا دائما بسمع في كيزان مرقوا مخارجة من المؤتمر الوطني ، وحاولوا يمشوا مع التيار العام زي جماعة الترابي . ولكن أول مرة أشوف لي محامي يفترض أن يكون مثقف وثوري كما تدعي. يخرج من حركة ثورية وينضم الى المؤتمر الوطني، وياهو ده طريق لام أكول وسبدرات وكبيرهم الذي علمهم السحر بتاع (مشيناه خطى) بالمناسبة . سؤال أخير. أنتوا اليومين ديل قصة حب الرجال دي شنوا !! واحد يقول لك أناوالله ما بنوم إلا أتأكد الرئيس نام، والتاني يقول لك دكتور مصطفى ده بحبوا أكتر من حب عيوني ، وصاحبنا داك يبكي بالدموع ، وجاي أنت تقول لي نافع أداني لبن في رؤية. الحاصل شنوا ؟ نسأل الله السلامة !! أنا متأكد وبعد ما تقرا الكلام ده يمكن ضميرك يصحى شوية وتجينا وتقول لينا أمبارح حلمان أنوا في مظاهرات قوية وبمبان تقيل والجماهير بتهتف وبتقول مكتب شندوا الشعب بيهدوا.. اللهم أجعلوا خير.