في سابقة خطيرة : مساحة من دارفور تمنح للولاية الشمالية.

Quote: بِشأن الغبينة : أنا بزعم إنو مِن خصائِص الحضارِة ، إسْتيعاب تلكُم الحضارة لِكُل وافِد وخاصةً لِلوافِد الما عِندو حضارة ... وده مِتْلي أنا النوبي صاحِب الحضارة العُمرها 5000 سنة قبل ميلاد السَيِد المسيح ... إسْتَوعبت الحضارة النوبِية الوافِد العربي وأنتجت كُل الشِمال عدا قبائِل الشرق الأصيلة وأغلب قبائِل الغرب ... علشان كِده بتلقى آثارنا وجيناتنا في الوسط وغرب السودان ... العرب عُمرهُم ما كان عِندهُم حضارة وكذلِك الغرابا ... ما فيش حضارة بِتقوم في عتمور أو في جِبال ... الحضارات بِتْقوم بس على ضِفاف الأنهار ... العرب كوافِدين كان مِن مصلحتُم إنو يِنْدمِجو مع السُكان الأصلِيين ، وده حصل بعد إتْفاقِية البقط بِـ600 سنة ، وأصبح لدَينا مُنتج جديد نوبي/عربي ... إتْنوبو العرب ، وإسْتعربو النوبِيين كُلٍ حسب القُرب أو البُعد مِن مركز التأثير ... الحِكاية دي ما شاعت بين النوبِيين الأصليين والغرابا الأصلِيين ، لأن البقط أجبرتنا إنو نسلِم لِلعرب 360 عبد سنَوِيًا والعدد ده كان < غرب السودان > بتَوفِرو ... أها < الغبينه > حصلت مِن يوم داك ... علشان كِده انا دعيت في عمود إتْهكر بِإسم ( الحقيقة والمُصالحة ... النُسخة السودانِية ) وأشِرت ليهو في الرابِط ده كشف الغِطاء عن الهَوِية السودانِية لإزاله هذا الغُبن ، وخاصةً إني كأصيل عِندي جينات في جِبال النوبا وفي قبيلة < النيما > بِالتحديد ... وزي ما جِدي إسْتعبد في يَومٍ ما قبل 1200 سنة غرباوي ... برضو زمن التعايشي الغرابا إسْتعبدو مِن قبايل الشِمال والشرق والوسط كُتار وأذاقو البشر الأمرين وقتلو وشردو وهتكو ودمرو ... الغبايِن بِقت فوق الكُل ... علشان كِده لابُد مِن < فتْ التاريخ > بِواسطة < المعامِل > والإسْتئناس بِالتاريخِيين والمرحلة التانِية ، نقنِب في واطات الله دي ونتْحاضن ونذرف الدمع السخين على مَوتانا كُلِنا جميعًا ... في هااللحظة بِتبقى أي < مِساحة > في < دارفور > هي مِساحتنا ... عاوزين تغنو أُغنِية < ود بحر > و< إنتو ونِحنا >