|
Re: حامد ترطيبة .. قصة ليست من الخيال (Re: بكري عباس علي)
|
(7)
وبقينا في طريقة الحنك
بدا حامد يتعود على الوضع شوية شوية
وبدا يمارس مهاراته العالية في الموضوع..
- لكن ما قلتي لي يا الدمعة
- الحزن دا ياخي ما ما حقك إنتي
- مالك حزينة إنتي
قامت الدمعة الحزينة اتأوهت آهة
طلعت معاها نخاشيش فؤاد حامد من جوة
وقالت: الحزن دا أنا اتخلقت ليه وهو اتخلق لي أنا خصيصاً
وحامد قرّب يبكي
- لا لا ياخ الدنيا دي ما بتستحق
- عاين أنا ما عايزة أشيّلك همي معاي إن أكيد عندك المكفيك
- لا لا ولا يهمك.. أنا همومي دي كلها ممكن أختها في مخلاية كدة وأرميها في آخر زاوية في المستودع دا
(برضو معليش يا اخواننا)
خلينا نشوف إنتي بس مالك..
ضحكت الدمعة على هذا التعليق ضحكة وقعت معاها آخر سنون حامد
واستمرت المكالمة حوالي الساعة والنصف
واليوم البعده
وهكذا
تعود حامد على سماع الصوت بالساعات يومياً
ولكنه بينه وبين نفسه كان ينقصه شيء
إنه ما شاف الدمعة
ولو شافها على الطبيعة ..
يااااااااااه
وعيونها الاتغزل فيهم لمن كانت حا تنوم في التلفون
مع إنو ما شافهم
قرر حامد إنو يفاتح الدمعة الحزينة في الموضوع
طبعا خلاص الامور بقت عادية لا كبكبة لا حنك
قال ليها ياخي أنا ما مشتاق شديد لكن
- ما ياهو نحن بنتكلم مع بعض
- لا ما فهمتيني كويس
- في شنو يا ميدو (بقت حنك عادي بالنسبة لي حامد المرطب)
- بصراحة كدة؟؟
- أيييييييوة في شنو؟
- أنا عايز أشوفك
- ...............................
- إنتي هنا..؟
- ...............................
- ما يكون كلامي زعلك؟
- لا لا والله أبداً كنت متوقعة كدة وانا ذاتي عايزة أشوفك
- طيب أها أقوم أجي ؟ (حمااااااااااااس)
- لا لا لا دقيقة تجي وين؟
- أجيك في بيتكم
- إنت مجنون عايز توديني في داهية.؟ بعدين إنت بيتنا بتعرفه من وين
- ما باخد الوصف منك...
- لا لا أسمع الشغلانة ما كدة..
- أها كيف.؟
- بعدين أقول ليك..
(أواصل)
|
|
|
|
|
|
|
العنوان |
الكاتب |
Date |
حامد ترطيبة .. قصة ليست من الخيال | نادر النور آدم | 07-04-10, 04:41 PM |
Re: حامد ترطيبة .. قصة ليست من الخيال | نادر النور آدم | 07-04-10, 04:42 PM |
Re: حامد ترطيبة .. قصة ليست من الخيال | نادر النور آدم | 07-05-10, 07:12 AM |
Re: حامد ترطيبة .. قصة ليست من الخيال | هويدا شرف الدين | 07-05-10, 07:53 AM |
Re: حامد ترطيبة .. قصة ليست من الخيال | نادر النور آدم | 07-05-10, 08:24 AM |
Re: حامد ترطيبة .. قصة ليست من الخيال | نادر النور آدم | 07-05-10, 08:28 AM |
Re: حامد ترطيبة .. قصة ليست من الخيال | نادر النور آدم | 07-05-10, 10:00 AM |
Re: حامد ترطيبة .. قصة ليست من الخيال | نادر النور آدم | 07-05-10, 02:22 PM |
Re: حامد ترطيبة .. قصة ليست من الخيال | نادر النور آدم | 07-05-10, 04:47 PM |
Re: حامد ترطيبة .. قصة ليست من الخيال | بكري عباس علي | 07-05-10, 07:29 PM |
Re: حامد ترطيبة .. قصة ليست من الخيال | نادر النور آدم | 07-06-10, 07:17 AM |
Re: حامد ترطيبة .. قصة ليست من الخيال | نادر النور آدم | 07-06-10, 08:51 AM |
Re: حامد ترطيبة .. قصة ليست من الخيال | نادر النور آدم | 07-06-10, 08:55 AM |
Re: حامد ترطيبة .. قصة ليست من الخيال | نادر النور آدم | 07-06-10, 09:07 AM |
Re: حامد ترطيبة .. قصة ليست من الخيال | نادر النور آدم | 07-06-10, 02:32 PM |
Re: حامد ترطيبة .. قصة ليست من الخيال | إدريس البدري | 07-06-10, 02:47 PM |
Re: حامد ترطيبة .. قصة ليست من الخيال | نادر النور آدم | 07-06-10, 03:53 PM |
Re: حامد ترطيبة .. قصة ليست من الخيال | الطيب العامرى | 07-06-10, 04:33 PM |
Re: حامد ترطيبة .. قصة ليست من الخيال | نادر النور آدم | 07-07-10, 06:58 AM |
Re: حامد ترطيبة .. قصة ليست من الخيال | نادر النور آدم | 07-07-10, 09:04 AM |
Re: حامد ترطيبة .. قصة ليست من الخيال | نادر النور آدم | 08-24-10, 09:21 AM |
|
|
|