|
Re: اعتقال عارضي الازياء في السودان (فيديو) (Re: Elhadi)
|
Quote: داك تاريخياً يا أم حازم .. ويمكن كلامك يكون صحي في الحتة دي من الناحية التاريخية ..
لكن أسي والله العروسة تجيك سمينة ومدوعلة جاهزة من بيت أبوها !!
الاستايل الشايفو قدامي في العرض ده ما استايل سودانيات .. ولا الهدوم والألبسة المعروضة أعلاه ممكن تلابس أو تخش ليها في سودانية من بنات الزمن العلينا ده اللهم إلا استثناءات معدودة ويمكن الاستثناءات دي زاتا تكون محكومة بأسباب صحية ولا طفرات وراثية .. ده غايتو على الأقل في البيئة الخرطومية الأنا جيت منها واللي هي خليط من أجناس السودان ده كلو (عشان ما تقولي لي ثقافة السمنة دي حقت بنات الجلابة برااااهم..) فالكل في عدم الرشاقة والأناقة شرق يا أم حازم :) القاعدة عندنا يا أم حازم هي التياب الماااااهلة والجلاليب الفضفاضة المصنوعة من الأقمشة القابلة للمط والشد لمقابلة الزيادة والنمو المضطرد في هياكل الفتيات والسيدات السودانيات :) نحنا ناس خمج ساااااي وثقافة الرشاقة دي ما عندنا ولا حقتنا .. وغايتو لو عارفة ليك زولة عندها الثقافة دي قولي لي عوووك انتي بس :) |
الهاديء سلامات
يا اخوي مالك شايل حس بناتنا؟؟؟
والله لو بقن سمان بنيات السودان مبروك عليهن
الا وحياتك بنيات الهامش كلهن نحيفات بما فيهن بنات الشمال
لانهن جميعا شقيانات!
بنات العواصم بيختلفوا فعلا كما قلت.
اها انت قلت لي عايز نوع استايل (خشب الله عبد الناشف ده)!!
وحاتك راقد الا ما قلت لينا انت كيف؟؟؟
مش يمكن هن برضوا عندهن مواصفاتهن؟؟!!(هههههه)!!
|
|
|
|
|
|
|
|
|