في شان المسيرة ... لابد من توضيح

Quote: العزيز شول كل يوم بتكبر في نظري اكثر. لانك دقيق ومتفح وصاحي. شول لم يطرح اجندته يا جماعه و الفاكره(طيره وبماري السيره) آخير يفتح عيونه ويعرف ان شول زول ناضج ومصحصح بالحيل ومافي راجل زيه كده بقدر يشيله القفه. شول لو عليه كان بقطع سفير الجن ده ذاته لكن التزم بطرح المسيره وما اقحم اي موضع هويه ممكن افهم الناس فات عليها ده ليه؟؟؟ نقد شول مهم وضروري للاخ زهير نفسه والذي اعتقد لسه مشوار طويل مع موضع الهويه لكن ما بنطالبه بانه يكتسب الوعي ده في يومين هو حر.....انا شخصيا بقدر طلعته واقتطاعه من زمنه وغضبته من اجل السودان. بس زي ما قلته من قبل الاحساس الجميل الاختلق بيناتكم ده ما تضيعهوا وهو احترامكم لبعضكم وتريت اولولياتكم. يعني الجمعنا هنا هو رد حق اخوتنا الذين انتهكت آدميتهم. ثانيا رد اعتبار جنسيتنا نفسها التي اهينت. ثالثا تخليصهم من الاوضاع السيئه بلبنان. رابعا مواجهة اللبنانين بان عنصريتهم ريحتها فاحت وما عاد يمكن السكوت عليها. ارى ان زهير مطالب باعتذار لشول ولنا جميعا الغير مؤمنين اطلاقا بعروبة السودان والذين راينا ان سودانيتنا اهم اجنادتنا الساسيه. هو ايضا ماطلب يخرج من اجندته ووعيه الخاص بهويته ويتقرب منا في منطقة وسطى جمعتنا وممكن تودينا لقدام لو عرفنا نوظفها صحيح. اخي زهير اعتذارك صدقني يكبرك بنظرنا ولا يقلل من مكانتك وبيوضح ان سودانيتك اهم لديكم من اي شيء آخر. وان ما يجمعك بشول المرق معاك في مسيره بلا تصريح وكنتم متوقعين يكون فيها بمبان ولا جري ولا غيره ورغم ذلك خرجتم معا اكبر مما يجمعك من اي لبنانين ولا عربي موهوم عنده مليون راي فيك. كونوا بخير جيمعا. بقية المأساة التي تمت هنا ارجو يا شول الاتصال ببكري لحذف هذه المدخلات هذه لغة لا تشبه روح البوست المحترم. ويا خيري معليش اسمعها مني اخطأت بحق اخيك ود الصائم يستحق اعتذار منك...ويا وليد برضو انت اخطأت بحق اخوك خيري. معقوله بس يا شباب...تتفشوا في بعض قدر ده.؟؟؟ ويا ود الصائم يا اخي معليش وحاتك دي حساده ساي من خيري عشان ضحكتك ووجهك الصبوح العاجب ناس كثار....تسلم لينا يا صديقي في الوزن(ههههه) اريزونا قالواموت احمر يا ود الصائم اختك (السمينه) دي متجرسه من حسه من زيارة ديار ناس بكري ابوبكر غدا.قول يا لطيف.

(عدل بواسطة شول اشوانق دينق on 06-24-2010, 09:13 PM)