قراءة جديدة في: جدران من الطوق الشمالي أخرت ثورة الغرابة ...

Quote: الاخ بشاشا كتبت Quote: جعفر بشير تحياتي، ماتكون رمشت يا صديقي، او رضخت لي جو الارهاب ضد كل من يحاول الوقوف بجانب الصنديد منعم. اختلف معاك، اختلاف جذري، لانك ماقدرت كيف منعم، بنحت في الصخر بالاظافر، وهو ياسس لي طرح متحرر تماما من الاستلاب الجلابي، وان شابه بعض ظلال مرجعية، مركزية عربية لاتؤثر كثير علي القيمة الريادية والسابقة لاوانها، وان كانت متخلفة ايضا بمعيار مجري التاريخ في بلدنا. بشاشا كلامك الفوق دا ما كلام موضوعي، وأعتقد إنو تناول جعفر بشير للموضوع هو أول دليل على إنو جعفر ما خضع لجو الإرهاب، لكن بنفس المقياس جعفر حاول يحلل الواقع إستناداً على (منهج تحليل واضح)، والخيارات فيهو معروفة، ودا الشئ الممكن يساعد منعم سليمان أكثر من مجرد نعته (بالصنديد)، و(حافر الصخر بالظفور)، وهو التقدير دا كيف إذا ما كان بالطريقة الواضحة بتاعت جعفر بشير. الشئ التاني يا بشاشا المسائل ما دائماً أبيض وأسود، المسألة بتاعت السودان دي فيها إشتباهات كتيرة، ومن ضمن الإشتباهات، مسألة من هو الجلابي ومن هو المهمش، ودي عايزة شغل كتير (فكري وعملي)، عشان كدة تجويد الكتابة ووضوح المنهج بيقلل من المعارك الجانبية والتى فيها ضياع وقت وجهد كبير. ودمت