|
Re: لماذا ترك الصادق مرتكبى مجزرة ابا وركز على تعويضات ال المهدى؟؟؟ (Re: هاشم نوريت)
|
هاشم نوريت دبايوا وياخوى انت ما شفت مرارة, دارفور طلعت كل المرارات, وسيبك من كلام داوودى ومحمد عادل, لانو ما فيهم زول قريبتو باعت داندرمة عشان تربى عيالها الابوهم قتل فى ابا, ولا عمتو الزرعت الصخر عشان يقوم فتريتة وويكة فى قفا ولمونة, ولا شافو الناس الفقدو عقولهم من هول القتل العشوائى والمتعمد, ياخى مافى زول عندو حق يتكلم عن ابا الا ابناءها, وضحاياها, او منصف, وبلاش سخف ناس حزب الامة والعبطاء من ابناء الانصار, وفروا كلامكم دة لنفسكم, ما عاد ينفع مع طالبى الحق, واسيادكم خليهم يفتشو عن تعويضات, او رفاة الهارب الهادى المهدى, الذى ترك اهلنا تحت رحمة ابوالقاسم محمد ابراهيم وابو الدهب. بخصوص الدعوى, فى الديمقراطية ظننا فى ابو الكلام خيرا, لكنه باعها لنسيبه, والان, لن نترك نسيبه والذين حرضو الهادى, الاموات امثال محمد صالح عمر, والاحياء امثال مهدى ابراهيم. كويس انك فتحت الموضوع دة, لانو مناسبته قربت.
Quote: اخى محى الدين الالم يعتصرنا |
شكرا لتعاطفك, لكن من راْى ليس كمن سمع,فاْلم ابا لم يترك اى مساحة للمهدى واله فى داخلى, هاديهم على صادقهم, اما نميرى وزبانيته, فسوف نقاضيهم احياء او اموات.
|
|
|
|
|
|