مريم بنت الحسين :واحد من الافلام اللى (ح) تحبيها نزل اليوم فى السينما

Quote: اتخيلى الان ان زوجك يقرر انو حلمه انو يبقى مصور"مثلا"..و عشان يتعلم التصوير لازم يسيب الشغل و يمشى يدرس تصوير .. و لما خلصت كل قروشكم اللى موفرنها ...اطريتى و الصغير محمود للعيش فى شارع !!!!!!!!!!!!!!!

بوست لذيذ يا سمارت ... نخليهو فوق لغاية الأوسكار، أنا بستمتع جداً طبعاً بتمثيل ويل سميث وبتمنى يحصل على الأوسكار لأنو بستاهلها في دورو في the pursuit of Happiness مع أني ما حضرت الفلم !!! بس من خلال العرض العملتو أوبرا وينفري شكلو عمل شغل حلو فيهو ...
تعليقي في حتة تحقيق الطموح أو الأحلام، إنها موازنة بتحتاج في الغالب لي تروي وتفكير عميق وفقاً للمعطيات الحولك، يعني ممكن تمشي في طريق تحقيق أحلامك الشخصية وحتماً حتحقق حلمك لو مؤمن بيهو، بس ممكن تحققو بتضحيات، مقدار التضحيات دي ونوعها هو البيحدد مدى إمكانية المضي قُدماً من عدمه، في الجانب الآخر وفي رأيي الشخصي الواحد ممكن يطوّع أحلامو وفق ما هو متاح، بما لا يجعل هناك تضحيات تندم عليها وعلى حسابها تحقق طموحك الشخصي، يعني ببساطة أن تجعل من حياتك نفسها حُلم في عملك في دراستك في حياة أسرتك ودعم أفرادها في تحقيق أحلامهم ووووووو ... زي ما قلتي هو طريق شائك.
Martin Lawrence برضو بحبو شديد، بفتش أفلامو فتيش وبموت من الضحك، لأنو شكلو ما بيمثل بل دي شخصيتو الحقيقية يخيل ليك وأنت بتحضر أفلامو، والغريبة أمس حضرنا ليهو فلم جميل اسمو Nothing to lose


تحياتي لك ولأسرتك
ابومحمود