|
Re: الحكومة السودانية ـ حركات دارفور من وراء اختطاف الطائرة (Re: hamid brgo)
|
الاخ حامد برقو اخوك برضو زول ساى وجاهو فى خاطرو انو اليمنع شنو انو القصة مسرحية من صلاح قوش؟ اوريك كيف: العملية مثيرة لاستفزاز الامريكان تحديدا, وارهابية تماما بعد حداشر سبتمبر, قول واحد. اتنين, تصريحات محجوب حسين عن توجهه لاحداث نقلة نوعية فى الحرب ضد الحكومة مغرى جدا للنوع دة من المسرحيات وصبغ الحركات كلها بالارهاب لدى المجتمع السودانى والدولى. تلاتة, وحسب القريتو فى المنبر انو الخاطف طالب لجؤ سياسى, وفى الحالة دى يعنى انو الراجل ما قنعان من روحو طالما فر من جحيم قوش وزبانيته, ممكن ببساطة يتحرك من السودان لتشاد ويدعم قضية اللجؤ بدلا من تلويثها بمحاولة اجرامية وياخد لجؤ زى الترتيب ليه جازف المجازفة دى كلها وهو طالب لجؤ وحياه وممكن يروح شمار فى مرقة. اربعة المستفيد منو من العملية دى؟ الحكومة طبعا لانهم متاكدين انو طيارتهم مليانة وقود وتشاد حترجع ليهم زولهم وياخد ترقية وتكون خلقت هلمة. اعتبر الخطرفات دى من زول ساى ونشوف الاخبار بتجيب شنو؟ ما تستبعد انو الخاطف يكون زغاوى بالذات لزوم البهارات, ولو طلع غير كدة تبقى المسرحية محبوكة حبكة صاح.
|
|
|
|
|
|