البورد ده اتجاه واحد ....والاداره كمان اتجاه واحد

Quote: اتمني حقيقة أنك بتناقش في قضية وده من حقك طبعا ، وحتى لو كنت ما بتاقش في قضية ( برضو من حقك) ، ومافي اي زول بقدر يقوليك اكتب كده او ما تكتب كده . بس ياوليد لما الزول يجي يكتب كلام زى كلامك ده يبقي منطقوا ودفوعاتو تكون ( مجيهة) صح وقوية وبتستند علي كلمات لا تقبل اي فهم تانى ! شوف معاي الكلام بتاعك ده ممكن يخلي البوست بتاعك ده دائري وما بيوصل لي إي حته خلاف أنو الناس تجي تكتب ساي وما تناقش حاجة ، لانو بصراحة اخوية للنهاية ببقي ليهم حق يدوروا ويلفوا معاك كده . شوف معاي :- Quote: لماذ1 لا تكون هنالك اداره من جميع الوان الطيف؟؟؟؟؟؟؟ الفوق ده بيعني برضو بي بساطة (غير أنك بتسأل بي حسن نيه) بيعني أنك عندك هدف والهدف واضح أنك فاكر في سيطرة علي (الدسكشن بورد) وأنو حتي القوانين المعمولة دي - اي نعم بيحصل ليها تجاوز- الا أنك رافضه ورافض حتى مبداء أنك تقبل هو (دسكشن بورد) وقاطع يقينك بي ده نهائي . وبرضو معناهو انت حاسم نفسك في جيهة وعايز ( حقك) والكلام ده بتأكد تاني هنا:- Quote: انت يا بكرى ابوبكر مفروض تقدم استقالتك من البورد وتصبح صاحب الموقع فقط على ان يكون هنالك مراقبين من جميع الاتجاهات لانو صراحة البورد اصبح موجه ضد الاسلام وضد السودان وتابع معاي برضو تاني هنا كلامك ده :- Quote: حكم الانقاذ حكم غير دكتاتورى لا ن الحكم فى الانقاذ ليس حكم الفرد قدتكون فى البدايه نعم لكن الان لا يا وليد .. من حقك إي فهم واي كتابة ومن حق الناس التانين برضو إي فهم وإي كتابة . اتمنى أن تجد سطوري هذه قابلية لديك وأتمني أن ينصرف البوست في وجهة جيده .