تطوير و تنمية القدرات و المهارات

Quote: جاني تلفون غريب قبل شوية من السودان من بعد صلاة العصر لغاية بعد صلاة المغرب الزول البيتكلم معاي انا ما شفتو قبل كده لكن اتعارفنا في النت وهو من منبر اليوم الحار من هندسة الخرطوم ولانو مهندس سألتو على موضوع شركة الزقازيق القابضة قال لي انو قرأ الموضوع وأتناقشنا فيهو اكتر الوقت وانا هنا عايز اشارككم في نقاط جريئة جدا في خصوص هذا الموضوع ارجو إنها تعجبكم ------------------------- كان رأي من الاول إننا قوة عظيمة وقوة ضاربة وممكن نعمل حاجات كبيرة وكثيرة وعظيمة ده ما كلام فنانين ولا شعراء بالارقام نحن كلنا بنمثل شريحة الوسط بالنسبة للجهات الائتمانية البنوك وغيرها في كل العالم وشريحة الوسط هي أكثر شرائح المجتمع تحب الجهات الائتمانية التعامل معها ناس متعلمة رواتب عالية وثابتة ودخل ثابت وممتاز نحن ناس الزقازيق والدائرة الاوسع ناس مصر كلهم بجميع الوانهم السياسية بجميع الوانهم السياسية بجيمع الوانهم السياسية بجميع الوانهم السياسية مليون مرة نحن نقدر نعمل شركة مساهمة محترمة ونعرف نفسنا للجهات الائتمانية في السودان كأفضل مجموعة بتمارس بنزنس كيف ؟ علم وخبرة ومقدرة مالية !!! دي اهم مقومات العمل اللي نحنا بنخطط ليهو هنا وعشان اكون واضح انا ما بفكر في شركة صغيرة ولا مشروع صغير انا بفكر في شركة ضخمة ضخامة دبي القابضة ودبي ليمتلس والماعاجبو الكلام ينسحب من هسي التفكير بالحجم الكبير ده لازم تحسب معاهو كل حاجة حوالينك من باب البيئة الخارجية اهم عامل هو العامل السياسي في كل العالم رضينا أم ابينا البزنس والسياسة وجهان لعملة واحدة الناس البتكسب في البزنس بتقعد بالليل مع ناس السياسة ويتبادلو المصالح لانو دي الحياة كده ودي اصول اللعبة وانا لما اقول شركة الزقازيق القابضة ما استبعدت العامل ده اطلاقا اي زول هنا بيفكر انها شركة بعيدة عن طموحات الساسة في السودان أو ضد لاي اتجاه للسياسة في السودان فهو انسان لا يفهم في البزنس الماسك الدركسون هو البيسوق والركاب عبارة عن ركاب وبس والماسك الدرسكون في السودان معروف انا بفكر نبني شركة بكل طاقاتنا وقوتنا وفي نفس الوقت نلاقي كل الدعم المطلوب من الناس في السودان والناس ما راح يدونا الدعم لو كان عندو مصلحة ونحن ما عندنا مانانع نديهم المصلحة الهم عايزنها اقتصاديا يقولون ان الحكومة هي اكبر دائن وهي المحرك الحقيقي للقطاع الخاص وهي اكبر ممول له مشاريع الدولة الكبيرة هي المحرك الاساسي لاي اقتصاد نعيشو الليلة في اي مكان في العالم اقتراحي كان من الاول ولازلت اصر عليه ولغاية بكرة راح نسوي الشركة وشركة مقاولات عامة بس اول مشروع تقوم عليهو الشركة هو مشروع حكومي يعني لازم يكون مناقصة أو مجاملة او هبة أو اي حاجة المهم مشروع حكومي كبير عشان من اول يوم نتصنف كبار الخطوة التالية اسهل من اي شي في الدنيا ودي عشان الناس تحس بحلاوة الشركة وفائدتها ناخد اراضي كل المغتربين أو ناس السودان الاراضي الاصحابا ما قادرين يبنوها تاخدها الشركة بعقود وترجعها ليهم بعد فترة محددة ومدروسة ومتوافق عليها من الطرفين تستثمرها صاحب الارض يستفيد الشركة تستفيد كلنا نستفيد شوفو لينا زول تخين من ناس الحكومة وحبذا لو كان من ناسنا من ناس الزقازيق عشان يخش معانا والدنيا مصالح وانا مقتنع ومصدق الكلام البقول فيهو ده وانا مستعد اجي السودان مخصوص عشان اتناقش مع اي زول او مسئول في هذا الخصوص