لماذا لا يغنى محمود عبد العزيز اغانى محمد وردى؟ هذا هو السبب

Quote: عمر الفاروق يا ود زكريا إنت جيتيني في أكتر فنانين بحبهم..محمودغنى لي وردي ..وبعد إيه الب العود دي تسجيل لي تلفزيون ولاية الجزيرة ومعاهو عازف الكمان عبدالله كردفاني..وهو تسجيل جديد.بس محمود بيغني بعد إيه دي من زماأن جدا وكانت هي الأغنية اللي بيبتدي بيها حفلات المسارح..محمود أحسن زول تغنى بي بعد إيه أيام عنفوان شبابه وصوته..كان لمن يقوا "انا أستاااهل" دي بتلقى في أربعين بت يمينك غمروا وسبعين ولد شمالك بيبكو والباقين بيقولوا "ورورووك وووب"..ما تسألوني انا كنت مع ياتم سمح؟. وردي عندو رأي في الفنانين وتضاربت الأقوال عم رايو فيهم وإن كان هو صرح بي أعجابه بي صوت الفنان السياب ننميري.. وفعلا الود صوتو جميل..فيما يتعلق بي محمود كنت مهتم جدا أعرف رأي وردي في محمود وبعد تفتيش وتبحيت وقع في يدي تصريح لي وردي أيام منفاه الأختياري بمصر قال فيهو التاي: عن نفسي ما كنت سمعت محمود ده لكن كل ما أجي داخل البيت كنت بلاقي أولادي مظفر وجوليا مشغلين المسجل ومنطربين جدا بسألهم ده منو فبيقولوا لي ده محمود..وأنا أثق جدا في زوق أولادي وما بيسمعو فنان ساي وفعلا جيت وسمعتو ..تلود فنأن.إنتهى كلام وردي.. محمود بيحب جدا سيد خليفة رحمه الله..ومحمود تغنى لي معظم الفنانين بس كان بيختار الأعمال اللي عندها قيمة وعمرو ما غنا ليهو حاجة هابطة .. نحمود في وقت وجيز جدا طلع من عباية أعاني الغبر وحاليا ولي 15 سنة لي ورا محمود بيغني أعانيهو وهي مسموعة ومطلوبة من جمهوره وما بيغني أعاني الغير الا عند الطلب