|
باركوا لينا الوزارة
|
اهلنا ناس قنتي ناس المنطقة بقرقوا عليهم بانهم مرة زارهم نميري كانت هتافاتهم ليهم "عمر عثمان مننا يا نميري" اكيد الحكاية لا تعدوا ونها مزاح لانه اهل قنتي ما محصور ابداعهم و تفوقهم في المذيع المتميز عمر عثمان، قبل ما يتسدوا فينا نهتف بان كمال عبداللطيف ميننا يا .. اي زول يخت محل النقاط دي من يراه مناسب ولا نقول يا اسامة عبدالله لانه اكتر زول مؤثر على الشمالية حاليا الزعيم اسماعيل الازهري اسبق و ارفع من كمالعبداللطيف لكن لا نود ان ننازع فيه اهل الابيض الذين رحل لهم اسماعيل الولي من منطقتنا منصوركوتي و لم يبقى لاسرتهم من اثر سوى حوش عتيق ابقاه اهلنا اعزازا و اعتزازا ايام الانتخابات اتصلت بقريبة لي و سألتها عن توجه الناس الغالب قالت لي اغلبهم مع المؤتمر الوطني قلت ليها كيف الكلام دا الاتحادي مشى وين؟ قالت لي في ولد لعبداللطيف الناس كلها معاهو مين زينا كمال عبداللطيف استوزرلنا _مخصوص_
|
|
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|