|
|
 Re: تكاثر بروفيسوري (Re: abubakr)
|
| Quote: وكان في الزراعة والبيطرة بروفيسور نور وهابش وحسين جينتك والقصاص ...يعني اها تلف السودان كلو ما تلقي 15 بروفيسورات ....وهسع بس لو صاقرت الفضائية السودانية والشروق والنيل الازرق تلات ساعات حتطلع بكتيبة من البروفيسورات ومعظمهم لا بيعملو في جامعات ولا قاعديين علي كراسي بروفيسورات .. اصلو الكرسي اولا وبعدين اللقب.... |
يا هندسة مساء الخيرات واتمناك طيب ورايق...انت من زمن يعدوا المميزين باليد ،والبروفيسورات باليد التانية؟..خبرك عتيق علي قول الخلايجة...
بعجبني فيك انك بتحكي تجارب عشتها مافي زول يقدر يقول ليك بغم وبتتكلم بشكل فيه مزج بين العلم والمنطق والواقعية وتجربة الانسان.
اجيال تانية في مجالات كتيرة بعدكم كانوا علاّمة ولازالوا وما قدروا حتي يتعاملوا مع نفاج الشبكة الإلكترونية وما كتبوا زيك لانهم انقطعوا وما اتسهلت ليهم مسألة التكنلوجيا و البلد افقرتهم وأكلت حقهم وشردتهم لدرجة انهم حتي ما يقدروا يتواصلوا..بركة بعدك من السودان يا عمنا.
لانو انت بعيد من السودان أبشرك يا عم ابوبكر انو اصلا مافي تعليم ولا تأهيل لشخص في السودان عشان يكونوا في بروفيسورات:
- سواق الرقشة المكتوب في ضهرها عبارة(شقي الايام) بكون بالضرورة يحمل ماجستير علوم سياسية حلم وحضّر في المجال وقعد في ضل العمود وفتر اشتغل سواق رقشة ..وعشان كدة سياستنا عاملة كدة..وفي غيره خريج هندسة بكون وزير صحة ..عادي يعني.
- بائع الكركدي البارد في جردل اخضر في موقف الاستاد الجديد هو خريج فيزياء وطاقة شمسية في بلد شمسها مشرقة بنسبة أكثر من 80% وشوف اشعة الشمس لما تنعكس علي لون احمر واخضر وهكذا تكون الطاقة الشمسية والشمال مهدد بالسدود والتشريد ..عادي برضو
- ست الشاي في السوق المحلي وتعمل في بيئة يسيطر عليها عقل ذكوري ومشاغلات و مصطلحات سوق بطالة خريجة تغذية وهي بتديهم الشاي من كبابي بتغسلها طول اليوم في اناء واحد..برضو عادي خالص
- شخص يجلس علي مكتب مكيف بفريون وبقي بروف اي بروف و(حكومي ) كمان بكون داكي الامتحانات ايامنا الفي الجامعة لكن مشي العمليات وكان دباب ايام الترابي لكن ما بقي شعبي بقي وطني بجي يمتحن ويتفوق وهو داكي السنة كلها وما عنده اعمال سنة...عادي ومنظر مألوف وبمعرفة التمكين الحكومي
- موظفة النفايات الله يطري يوم جيتها عشان تشيل 1500 دينار ولا 15000 جنيه بالقديم ولا 15 جنيه بالجديد وبتجي كداري وممكن تغالطك في تسديدك للفزاتير وتقول ليك انا عندي ماستر في النقد المسرحي...عادي وما تعرف تتعاطف مع المسرح ولا مع الموظفة بتاعة النفايات الخجلانة لطبيعة عملها.
- طبيب اخصائي ممكن المواطن يشتكي من حاجة يجوبقه ليك بحاجة تانية خالص...خالص خالص ما عندها علاقة بمرضه...بعد كم يوم نسمع انو سكريه كان عالي والطبيب اداه شنو ما تعرف نزل ضغطه ولا رفعه ما بعرف ودخل في سكته قلبية ومات...عادي لانو نحن شغلتنا في السودان الوداع في المقابر لبطل اسمه الاخطاء الطبية.
وهكذا
فوضي يا عمنا لامن فوضي ذاتو ..بالله ما تتحير تاني في شي...لدرجة انو المنبر ده ذاتوو فيه بروفات كرتون تأهيل ووارد المنبر خيك من السودان الكبير.
كان علي الالقاب بسيطة ..بس البلد دي حيرت ابليس ذات نفسها..
_
دمت طيب..موعدنا شموع شهداء كجبار ليوم 13 بالله والمهم تصورها
|
|
 
|
|
|
|
|
| العنوان |
الكاتب |
Date |
| تكاثر بروفيسوري | abubakr | 06-07-10, 07:45 PM |
| Re: تكاثر بروفيسوري | Zakaria Joseph | 06-07-10, 09:22 PM |
| Re: تكاثر بروفيسوري | abubakr | 06-07-10, 09:36 PM |
| Re: تكاثر بروفيسوري | GamarBoBa | 06-07-10, 09:30 PM |
| Re: تكاثر بروفيسوري | محمد المرتضى حامد | 06-07-10, 09:56 PM |
| Re: تكاثر بروفيسوري | abubakr | 06-08-10, 04:04 AM |
| Re: تكاثر بروفيسوري | Amany Elamin | 06-07-10, 10:08 PM |
| Re: تكاثر بروفيسوري | Zakaria Joseph | 06-07-10, 10:44 PM |
| Re: تكاثر بروفيسوري | محمد الأمين موسى | 06-08-10, 05:05 AM |
| Re: تكاثر بروفيسوري | abubakr | 06-08-10, 05:37 AM |
| Re: تكاثر بروفيسوري | abubakr | 06-08-10, 05:29 AM |
| Re: تكاثر بروفيسوري | abubakr | 06-08-10, 04:14 AM |
| Re: تكاثر بروفيسوري | Dr.Mohammed Ali Elmusharaf | 06-08-10, 06:36 AM |
| Re: تكاثر بروفيسوري | abubakr | 06-08-10, 05:24 AM |
| Re: تكاثر بروفيسوري | ندى عثمان حسن | 06-08-10, 06:00 AM |
| Re: تكاثر بروفيسوري | abubakr | 06-08-10, 06:31 AM |
| Re: تكاثر بروفيسوري | عوض محمد احمد | 06-08-10, 07:17 AM |
| Re: تكاثر بروفيسوري | Amany Elamin | 06-08-10, 07:43 AM |
| Re: تكاثر بروفيسوري | abubakr | 06-08-10, 08:20 AM |
| Re: تكاثر بروفيسوري | طارق ميرغني | 06-08-10, 08:38 AM |
| Re: تكاثر بروفيسوري | abubakr | 06-08-10, 05:01 PM |
| Re: تكاثر بروفيسوري | مريم بنت الحسين | 06-08-10, 09:14 AM |
 Re: تكاثر بروفيسوري | Magdi Ahmed Elsheikh | 06-08-10, 09:58 AM |
| Re: تكاثر بروفيسوري | abubakr | 06-08-10, 05:07 PM |
| Re: تكاثر بروفيسوري | abubakr | 06-08-10, 05:05 PM |
| Re: تكاثر بروفيسوري | الفاتح يوسف جبرا | 06-09-10, 11:11 PM |
| Re: تكاثر بروفيسوري | abubakr | 06-10-10, 04:13 AM |
| Re: تكاثر بروفيسوري | Abdlaziz Eisa | 06-10-10, 05:13 AM |
| Re: تكاثر بروفيسوري | الفاتح يوسف جبرا | 06-10-10, 07:57 AM |
| Re: تكاثر بروفيسوري | shaheen shaheen | 06-10-10, 09:42 AM |
| Re: تكاثر بروفيسوري | abubakr | 06-10-10, 10:20 AM |
|
| |
GamarBoBa
فيس بوك
تويتر
انستقرام
يوتيوب
بنتيريست