خريطة السودان المعدلة اهداء للدكتاتور للبشير

Quote: أنا جيلي لامِن كان بتفرج على مُسلسل < ليالي الحِلمِية > الجُزء (1) و(2) و(3) كانت حرب الجنوب شغالا ... ما كُنا مُهْتمين ... أبواتنا ما كانو مُهْتمين ... بتذكر كنا بنلِم قروش الفطور في المدارِس الإبْتِدائِية والثانوي العام لِدعم منظمة التحرير الفلسطينِية ... هسِع قريب ده الشيخ / الكاروري أفتى بِجمع قيمة خِراف الأُضْحِية لِصالِح تعمير لُبْنان وفي نفس الوقت معسكر < كلما > كان الناس فوقو بِموتو بِالإسهالات ... لامِن مات لينا شباب في أحداث < كجبار > الإهْتم منو؟ علشان ما نمشي بعيد ... إنت يا عبدالمجيد الكونت ، إهْتميت؟ < كُلنا إخوان ماف جنوب بدون شمال وماف شمال بِدون جنوب ... كُلنا إخوان > كِذب ... وهم ... زيف ... ما حقيقة ... أول إبادة جماعِية حصلت في السودان ، كانت في توريت 1955م ، عِندما أباد الجنوبِيين التُجار الشِمالِيين وأُسرِهِم بِجنوب السودان ... ثم جاءت < حملة عبود الإنْتِقامِية > فأباد مِن الجنوبِيين ، ضِعف قتلى الشِمال ...