|
|
 Re: الـعـنـقـاء والـخـل الـوفـي (Re: ادريس خليفة علم الهدي)
|
يا سلام على التخلف والسواهو فينا التخلف يا أخي دا الواحد فينا بقي يكون ماشي لي قدام بي حركة ورا .... وتخلفنا لا يعني الأمية ، فشوف المدارس الخاصة ودور الحضانه "نحن لمن خلاص وقعنا من السماء ذات الحبك ذات مساء كنا بالكاد نلعب في التراب أتاري في واحدين بي ورانا وهم الدفرونا من السماء وديل ناس ماما لبستني الجزمة والتي شيرت" صحيح ده مظهر وربما يكون قشرة يعني شوية مطره كده ممكن تخليك قاعد في السهله تماماً كيوم ولدتك أمك وبرضو يغنوا ليك هابي بيرث دي تو يو. كمية بتاعت جامعات أكثر من الركشات لمن تدوش الرأس وبرضو لسه بنكره بعض ونحتقر بعض ونكيد لبعض ونحسد بعض ونأكل لحم بعضنا بعضا.
القلم ما بزيل بلم لا بزيل بلم وبزيل شعر كمان بس القلم في يد منو دا السؤال البطرح نفسو وبطرح أى زول بقرب منو وما عارف إجابتو أرضاً ، يعني سؤال في شكل لاعب مصارعه رومانية فبالضرورة take care.
لو زمان كانت المستحيلات 3 يا عديله لي هسي بقن كميات ومن بينها على سبيل العنقاء الرياضية نتائج ممثلي السودان في المحافل الإقليمية ورجاء قرط على كده وبي مفتاح عجل ....
أما في شأن غول الخدمات فوصل بنا الأمر أن يتم إحتجاز جثة إنسان في مستشفي خاص عفواً مشفى خاص "حذف حرف السين ضرورة" حتى يقوم ذوي المرحوم بسداد ما تبقي من فاتورة المرحوم صحيح أن الأعمار بيد الله لكين في تلك المشافي يا كافي معظم الموتى ضحايا أخطاء طبيه وبمنطق باركوها يا أخوانا بالكاد تشيل جثة المرحوم حتى تواريها الثري.
المهم المستحيلات كميات فلابد لناس اليونسكو أوالمسئولين عن مثل هذه العبارات عمل updating للشغلانه فقد أصبح من غير الممكن أن نقول الخروف ذبح مسعود.
|
|
  
|
|
|
|
|
| |
almulaomar
فيس بوك
تويتر
انستقرام
يوتيوب
بنتيريست