|
Re: هل يمكن ان تدمن تصفح سوانيزاونلاين (Re: الصادق ضرار)
|
Quote: هل يمكن ان تدمن تصفح سوانيزاونلاين |
كُنت قايِل كَدي ، لكِن لامِن وقفوني (90) يوم إكْتشفت إنو المَوضوع بسيط جِدًا ، وإكْتشفت برضو إنو أغلب أعضاء سودانيز أونلايِن قايلين -علشان ما أقول مَوهومين- إنو البِكْتِب في سودانيز أونلايِن ، حتمًا شيخ وليهو أحباب ومُريدون وحيران ، زَيهُم زي كُتاب الأعْمِدة في الصُحُف السيارة ، فقط إذا فقد عُضَوِيتك هِنا تكون الحسره في فقدك لِمن عرِفْت وأحببت ، لأنو ظهر ، فوق العلينا ، نوع جديد مِن الحُب ، وهو أن تحِب مَن لم تعرِفهُ واقِعِيًا ، تحِبو مِن كِتابتو ، مِن أفكارو ، مِن المبادئ البِدافِع عنها ، مِن إنْصافو ، مِن ثباتو ، مِن حاجات غير معقولة ، فأنا وعلى سبيل المِثال -سريع كِده- أُحِب في الله ولله وبِالله مِن ضِمن مَن أُحِب مِن مَن لم أُقابلهُم في الواقِع : - أبو جُهَيْنة. - ودحطب الله. - Mohamed E. Seliaman - د. يوسُف محمد طاهِر. - abubakr - ودشيقوق. - ودالموج. - عِماد عبدالله. - هاشم أحمد خلف الله. - خِدِر. - أبارو. - بكري الصايغ. - عبدالحكيم نصر. - عمار محمد آدم (ما عارِف ليه؟) - ماضي أبو العزائم. - ود العمدة هباني - tmbis - حبيب نورة. - أساسي. - ناس < الشعبية نجمة تُزَيِن سماء الخُرطوم بحري > الما لِقيتُم في الواقِع. - ناس < نوبيي المنبر ... >. - حمور زِيادة. - Al-Shaygi - الشامي الحِبر عبدالوهاب - علاءالدين يوسُف علي مُحمد. - محمد حامِد صالِح. - ود الباوقة (ده مِثال لِلحاجات الغير معقولة). - + آخرين. - + أُخْريات. - وتلاته بريدُم بِرغم الكبسييبة الحصلت بِناتنا (ده أغرب حُب حاصِل لي وأسبابو أصلو ما وجيهة كلو كلو ياخ).
|
|
![Edit](https://sudaneseonline.com/db/icon_edit.gif)
|
|
|
|
|
|
|