(غنت) .. (الهل) ما معاك .. (مصران الضحية)

Quote: في شافع مرتين سامعو بيقول الضب الضب رشوهو بي موية ههههههههه ومافهمته المصطلح ده لي شنو الغريبة نفس المصطلح ده سمعتو في ميدان في خور ابو عنجة غرب ميدان ابو عنجة عملنا مطش هناك وكل ما انفرد يقول الضب الضب رشوهو بي موية بالمناسبة دي نسالك من المصطلح ده شنو ماتكون ده انت زاتوو نزلت من الشجرة استراحة بين الطلعتين لوووول يكه بعدين في عمك كده قاعد تحت الشجرة انا بعمل منو الغزالة جاوزت طوالي

الزناتي .. .. دا كان (الكشيف) حقنا.. بيكون متواجد في المنطقة دي في كل الاوقات .. مهمتو الرصد والتحليل والمتابعة بعدما تلقاهو تقوم تسالو عن الوضع كيف والاحداثيات .. بيقوم يقوليك جا كم (ضــب) .. واترشه كم ضب .. وجا كم واحد (محقب) يدينو فهو بيقوم بيقرا (الباركود) حقك بتاع الدخول ويتخاطب معاك بي السريالية دي (اتلفته) بقوم بسالك من سر الليل والنهار ما جاوبته بيتم تسجيلك وتدوينك وبيترفع بيك تمام .. المرة الجاية بتكون مصنف .. وبتدق فتاشة لما تجي .. لانو اتفاعلته مع مسالة الضـب دي أما إذا عملت فيها رايح فمعناته اجتزت الاختبار بتاع المرور وتم تصنيفك .. (كبعاتي) أو (دبيب) بي المفهوم المودرن وبتعرف تماما إنك جاي من ياتو منطقة .. وبعداك بتكون بيناتنا برتكولات متبادلة .. بي فهم إنو عادي جدا تجي تحب في المنطقة دي .. تجي تخلط .. زي الما حصلت حاجة .. على شرط تجيب ادواتك معاك .. مهمة الزناتي ما مختصرة على متابعة الضب ورشو بالموية .. ليهو مهمات تانية .. وبالمناسبة الزناتي عندو مساعد ليهو اسمو (اب زنان) من نفس عمرو لكن دا بيكون مغطي المنطقة بتاعت ميدان أبوعنجة بي جوه الحلة ..
يعني يا عمك كان طلعت من الراداد بتاع الزناتي بتقع في رادار (اب زنان) ..