بصات مترفة بنصف مليار دولار والخرطوم تشرب مياه (السايفونات)

Quote: الشيخ Quote: ماذا تفعل الحكومة الولائية لعملية اللجوء اليومى من الولايات للخرطوم كيف لها ان تقدم خدمات جيدة للمواطن فى ظل هذا اللجوء الرهيب عاصمة بها قرابة ال 10 مليون يعنى بلد بحالها توفِر خدمات مِحل الناس في فِجتُم ... هم الناس ديل بيجو لاجئين للخرطوم ليه؟ ما علشان ماف خدمات في محلهُم ... وماف خدمات في محلهم ليه؟ لأنو في فساد وسوء في الإدارة الهي بترتِب الأولوِيات ... ياخ أنا كُنت باخُد جُرعات شلل الأطفال مجانًا مِن مستشفى حاج الصافي (بحري) الفتيل الواحِد في حجم أصبع اليد الصغير بقضي (20) طفل وبسافِر بيهو لِلبُطانة عن طريق سنار ، بقوم مِن شمبات مع الوقت بصل لِلقرية قريب لصلاة المغرب ... بقيف في سوبا وفي مدني وفي سنار علشان أعبي التلِج ... أيام الخريف بكون رابِط لي جمل في حله إسمها كريمة البحر شرق خزان سنار ... بشِدو شدا وااااحد مِن بعد صلاة الضهر بتدلى منو في الحله مع صلاة المغرب ... ده كلو علشان الحكومة ما بتطعم الأطفال ضد شلل الأطفال الما عندو علاج نهائيًا لو الطفل أصابو ... ونفس الحكومة دي بتجي بالبوليس تحاوط القرى دي علشان تاخد زكاة البهايم والعشور ... والله والله والله أنا عندي عمًا لي جا مِن المحس لغاية الخرطوم علشان يفحص بول ... فحيص في مستشفى عبري ماف ... مشا دنقلا ، برضو لقى فحيص ماف ... جا الخرطوم ومعاهو جماعة ... الكباري وبرج الفاتح ما إستفاد منها يا حليلو حاجة