الباقر العفيف وطرد الناشطين الدارفوريين

Quote: سلام جميعا بالطبع هذا الاغتيال المتعمد لشخصية الباقر من جهة رفاق الماضي لا يخدم أية قضية، بل يصب مباشرة في مصلحة اعداء قوى الحداثة من مختلف مشاربهم، كنت اتمنى ان يوقف رفاق الماضيهذه الحملة المنظمة و المسعورة، اثناء قرائتي لمداخلة احمد شاكر الاخيرة توقفني تعبير مع الباقر مش ح تقدر تغمض عنيك، و تذكرت ان قرأته

سلام العزيز امجد وعساك طيب -
بالرغم من انو العنوان كشبيهاته من العناوين الكتيرة في المنبر لخوض الصراعات مفخخ !ونوع العناوين الزول لو كتبها ومشي -بلقي الشكلة دورت !) وحسب ما فهمت الموضوع عن ناشط واحد و الاشارة(بقدرة قادر) الي ( ناشطين دارفورين)و هل اصلا المركز فصل المعني لانو من دارفور ولة فصل ناس كتار - والمهم باقي الاسئلة و فخاخة العنوان -والكلام جاب الكلام -و صدقني في الحاصل كلو ما هاميني اغتيال شخصية الباقر اذا هو جدير بالاغتيال في نظر البعض ! -لانو الحاصل نحن بنغتال في بعض !
و عموما مواضيع (حق)-المركز -الباقر مستغلقة علي و ما قادر افهم لانو متشابك و زي الـ في كلام تاني ما قاعد يتقال غير البتقال
بخصوص كلامك عن مصلحة قوي الحداثة -والله يا امجد ما شايف لي مشكلة حداثة وافكار لكن في مشكلة وظيفة و اكل عيش عديل -الا يكون اكل عيش حداثوي !
و بصراحة استغربت كلام احد الاخوة في مخاطبته عن احد المفصولين (علي ما اظن ) كلام ---الكيزان ما قالوه لناس الصالح العام المفصولين - كيف تكون المشكلة قوي حداثة
و شايف دعوتك (لرفاق الماضي ) و كأنوا رفاق الحاضر مقصرين في الحاصل -و بصراحة ما قادر اميز والله ! ابتداء من كلام الباقر نفسو عن هالة عبد الحليم ما بختلف كتير عن كلام البوست دا (بذكر جبتو انت في المنبر)
عموما ما اظن الموضوع عن اغتيال شخصية ولا رفاق حاليين او مضوا ولا حداثة ولا عن ناشط دارفور ولا عن هدف المسلمي زاتو للبوست !

الموضوع تاني ما قادر اعرف الا في سياق سوداني عادي بتاع ناس متشاكلين بس والحشاش يملي شبكتو ! اتخيل
حتي والله ما فهمت (الكبشرات) بتاعتك الا في سياق الشكلة المدورة اصلا !

تقديري
--

العزيز ابوجودة سلامات -تصدق ما شايف آفة الاخبار في (رواتها) ! بل في ( اين و متي و لماذا تروي )!
وبل الافة الكبري في تلك الاخبار التي لا تروي !

---

الله يستر واحد ما يجي يبلني برضو
غايتو حالق وجاهز !!
استاهل انا زاتي !!
حتة مستغلقة حقو الزول ما يخش !
اخير ليك يا ود الصائم خلي الشماتة !

(عدل بواسطة هيثم طه on 05-14-2012, 08:19 PM)