نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 شركاء الجريمة ....... بعيدا عن الجناة ..!!
|
( 1 )
* عصر الجمعة قبل الفائتة جاءني صوته المألوف عبر الهاتف .. " الطاهر كيفك .. أنت كويس .. لمن تجي ماشي لمكي المغربي تعال سوقني معاك .. والله انتو الدناقلة ديل إلا الواحد يخلص حقو منكم بس مواصلات .. " ... ولعطل في عربتي نصحته بالاعتماد على مكي المغربي في التوصيل ، أوالانتظار حتى الساعة التاسعة حيث موعد انتهاء الحاج ورَّاق من كتابة زاويته ليقلنا سويا ، فاختار المغربي قائلا .." خلاص .. انتو بتتأخروا .. أنا بتصل بمكي ونتلاقى هناك .. أصلاً ما فيكم فايدة ... " .. وضحكنا ثم افترقت أصواتنا ..!!
* و التقينا هناك .. وعند الاستقبال و الترحاب داعبته سائلا .." اها .. ما سمعنا رأيك في مسيرة الشيوعيين الفاتت . ولا في مسيرة الأنصار الجاية ....الجماعة ديل دايرين يستردوا حقهم ولا شنو ... ؟؟ " .. رد سريعا .. " والله جماعتنا ديل غريبين خلاص ... ياخي انت راكب فوق ضهرم و ما دايرهم يحتجوا .. مالو ما يطلعوا مسيرة .. في دولة في العالم ما فيها مسيرات .. بالعكس ... الحكومة القوية البتثق في قراراتها ما بتخاف من المسيرات .. ياخي اقنعم بدل ما تقمعم ... لكن ناسنا ديل نقول ليهم شنو بس .. غايتو الله يهون .. و.....و...."
* وامتدت الجلسة .. والحوار الطويل و النقاش ، كان - رحمة الله عليه - في تلك الليلة متألقا كعادته في الحوار والنقاش ، يحاور الحاج ورَّاق في قضية وما أن يتفق معه فيما يمكن الاتفاق عليه يتحول إلى عادل سيد احمد و يناقشه في أمر ما ثم يفتح موضوعا مع صلاح عووضة و ما أن ينتهي يبدأ مع مكي و الطاهر حسن التوم و ناصف صلاح الدين و يوسف محمد الحسن ...و.. و.... كانت ليلة حوار مفتوح على مصراعيه أداره شهيد الرأي محمد طه مع كل الحضور بلا قيود ، حزبية كانت أم فكرية ... تحدث كثيرا باقتضاب في حزمة قضايا المرحلة و شخوصها .. وأسهب في الحديث و كأنه كان يرغب إخراج كل ما في فكره و عقله و صدره قبل غدر الثلاثاء ...!!
* عند الافتراق مسك بيدي عند الباب صائحا .." هوووى ... اقيفوا .. البيوصلني منو بعد ما كلكم تفوتو بعرباتكم .." .. فقلت له .." غايتوا انا الليلة زيك ما عندى ليك أي حل ... بس اتشربك في العلماني ده .. وما تفكو إلا قدام بيتك .." .. و حـــين و دعته سألني ".. ياخى انا مش قلت قبل كدة دايرك في موضوع مهم ..؟؟ .. " .. نعم .. تذكرت .. كان قبل شهر تقريبا بأحد مطاعم الخرطوم جنوب وكان معنا صديقه الوفي الحاج ورَّاق .. و كان قد بدأ الموضوع ... " جماعتنا ديل جننوني بالكلام عن كتاباتك .. والله بقولوا أنت اتمردت عديييل .." وحين يضحك وراق يوجه له الحديث محتجا .." و الله يا وراق أنا رأي أي واحد يتكلم و يقول لكن ...." وقبل أن يسترسل في الموضوع تعمدت تغيير مجراه قائلا .." خلاص يا أستاذ .. الموضوع ده نخليهو ليوم تاني .. نحن جينا المطعم ده عشان نرتاح شوية من السياسة و الجرائد .. لكن قول لجماعتنا لو واحد فيهم بيضمن لي انو حيتقاسم معاي بعدين سؤال القبر و عذاب الآخرة انا بتخلى عن ضميري و بكتب بس بضمير الحزب .. شفت المشكلة كيف .. ما بتلقى زول ..عشان كده أحسن نخلي الأمور تمشي والحمد لله بعدين الحساب فرادي ... مش كدة ..؟؟ .." ... كان هذا قبل شهر ... تذكره الفقيد في ليلة الجمعة قبل الفائتة .. و كان - عليه رحمة الله - مصرا على اللقاء و النقاش .. و تركته مع ورَّاق و عادل و بقية الزملاء .. وفارقته على أمل اللقاء ..!!
* و لم نلتقِ إلا بعد أيامٍ أربعة بمشرحة مستشفى الخرطوم حين أتوا بجسده مفصول الرأس و منزوع الروح ، ليكون الوداع الأخير دامعاً ... و ... نواصل لنتحدث غداً عن شركاء الجريمة الذين شكلوا حضوراً قبيحاً في حياتنا حين غابت عنها الحرية و العدالة ...!!
|
|
 
|
|
|
|
|
| العنوان |
الكاتب |
Date |
| شركاء الجريمة ....... بعيدا عن الجناة ..!! | الطاهر ساتي | 09-10-06, 07:18 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-10-06, 07:21 AM |
| Re: شركاء الجريمة ....... بعيدا عن الجناة ..!! | عبد المنعم سليمان | 09-10-06, 02:56 PM |
| Re: شركاء الجريمة ....... بعيدا عن الجناة ..!! | Mustafa Mahmoud | 09-10-06, 03:01 PM |
| Re: شركاء الجريمة ....... بعيدا عن الجناة ..!! | Adil Osman | 09-10-06, 03:10 PM |
| Re: شركاء الجريمة ....... بعيدا عن الجناة ..!! | ABDELMAGID ABDELMAGID | 09-10-06, 11:13 PM |
| Re: شركاء الجريمة ....... بعيدا عن الجناة ..!! | ABDELMAGID ABDELMAGID | 09-10-06, 11:22 PM |
| Re: شركاء الجريمة ....... بعيدا عن الجناة ..!! | Tragie Mustafa | 09-11-06, 00:02 AM |
| Re: شركاء الجريمة ....... بعيدا عن الجناة ..!! | إسماعيل وراق | 09-11-06, 01:12 AM |
| Re: شركاء الجريمة ....... بعيدا عن الجناة ..!! | خضر حسين خليل | 09-11-06, 04:13 AM |
| Re: شركاء الجريمة ....... بعيدا عن الجناة ..!! | Mustafa Mahmoud | 09-11-06, 10:39 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:29 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:29 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:34 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:41 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:44 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:47 AM |
| Re: شركاء الجريمة ....... بعيدا عن الجناة ..!! | طلال اسماعيل حسب الرسول | 09-14-06, 08:10 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:50 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 07:56 AM |
| تحياتي الطاهر ساتي | ملكة سبأ | 09-14-06, 08:01 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 08:15 AM |
| Re: شركاء الجريمة ....... بعيدا عن الجناة ..!! | Hussein Mallasi | 09-14-06, 08:28 AM |
| Re: شركاء الجريمة ....... بعيدا عن الجناة ..!! | طلال اسماعيل حسب الرسول | 09-14-06, 08:30 AM |
| Re: شركاء الجريمة ....... بعيدا عن الجناة ..!! | Hussein Mallasi | 09-14-06, 08:35 AM |
| Re: شركاء الجريمة ....... بعيدا عن الجناة ..!! | الطاهر ساتي | 09-14-06, 09:31 AM |
| Re: شركاء الجريمة ....... بعيدا عن الجناة ..!! | عبد المنعم سليمان | 09-14-06, 04:20 PM |
| Re: شركاء الجريمة ....... بعيدا عن الجناة ..!! | Hussein Mallasi | 09-14-06, 04:44 PM |
| Re: شركاء الجريمة ....... بعيدا عن الجناة ..!! | عبد المنعم سليمان | 09-14-06, 05:20 PM |
| Re: شركاء الجريمة ....... بعيدا عن الجناة ..!! | عبد المنعم سليمان | 09-14-06, 05:53 PM |
| Re: شركاء الجريمة ....... بعيدا عن الجناة ..!! | Hussein Mallasi | 09-15-06, 07:33 AM |
| Re: شركاء الجريمة ....... بعيدا عن الجناة ..!! | عبد المنعم سليمان | 09-15-06, 09:57 AM |
| Re: شركاء الجريمة ....... بعيدا عن الجناة ..!! | Hussein Mallasi | 09-15-06, 11:42 AM |
| Re: شركاء الجريمة ....... بعيدا عن الجناة ..!! | عبد المنعم سليمان | 09-15-06, 02:23 PM |
|
| |
الطاهر ساتي
فيس بوك
تويتر
انستقرام
يوتيوب
بنتيريست