و كان الـــ .... ثالثهما ..

مرحبا Guest
اخر زيارك لك: 05-02-2024, 02:26 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة جلال داوؤد(ابو جهينة)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-31-2007, 02:36 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
و كان الـــ .... ثالثهما ..


    تعتريه ( فوبيا ) لا يحب أن يتحدث عنها للناس و يتفادى مسالكها ..فهو يخاف أن يكون في المصعد وحده ..
    أراد أن يرتقي السلالم ..
    و لكنه رآها فإستيقظ فيه داؤه القديم..
    قابلها هناك مصادفة .. عند المصعد
    هي كذلك تتمتع بنفس ( الفوبيا ) ..
    لا يعرفها ..
    لا تعرفه ..
    شجعه وجودها أن يستعمل المصعد ..
    و شجعها وجوده على أن تصعد معه ...
    حارس العمارة ذهب ليبحث عن مزاجه في ( سفة صعوط ) تقيم أَوَد ( قَرْيَفته ) ... فترك باب غرفته مفتوحاً على مصراعيه ليؤكد وجوده و أنه غير بعيد.
    جمعهما ( الأسانسير ) في خلوة إجبارية..
    ألقى إليها تحية عجْلى ردَتْ إليها رباطة جأشها المفقودة.
    العمارة تضج صمتاً في هذا النهار الملتهب..
    لفحه عطرها الأخاذ ..
    إسترق نظرة إلى ذراعها البضة التي إنكشفتْ و هي تصلح من الثوب على رأسها الذي ما فتيء ينحسر .. و أساور من ذهب تموسق حركة يدها و تدغدغ أفكاره المشوشة.
    بقايا سهرة الأمس يضج بها رأسه و جسده المنهك ..
    و رغماً عن ذلك ظل ينظر إليها خلسة ملتهماً ملامحها و تقاطيع جسدها ..
    المصعد يُحْدث صريراً كصوت عجلات القطار الصدئة على القضبان ..
    ثم توقف .. يصدر صوتاً متهالكاً و كأنه يتذمر من حركته التي لا تهدأ.
    نظرتْ إليه بهلع ...
    قال من خلف فزعه : ما تخافي .. حسع بترجع الكهربا ..
    قالت منفعلة : ال بيرجعا شنو و الغفير ما موجود ..
    قال و هو يزدرد ريقه : بترجع الكهربا .. بترجع .. ما تقلقي ..
    طال الإنتظار ..
    طرقا الباب مراراً ..
    : يا أخوانا نحن محبوسين هنا ..
    تبكي في يأس و حرقة..
    وقف كمن يستجمع شتات تماسكه و إتزانه.
    قال و هو يحاول أن يجعل الأمر و كأنه لا يثير كل هذا التوتر : نحن ما إتعرفنا على بعض ..
    قالت في غضب : نحن في شنو و إنت عاوز تتعرف ..
    قال في لا مبالاة : إن المصائب تجمعن المصابينا ..
    قالت من بين دموعها : دي موتة بطالة خلاص ..
    قال معاتباً : يا شيخة إنت كتلتينا خلاص ؟ خلي إيمانك بربك قوي ..
    هدأتْ قليلاً
    قالت من بين نحيبها المكتوم : إسمي ( سميحة )
    قال و هو يفتعل سعادة غائبة : عاشت الأسامي يا سميحة .. أخوك كمال .. بشتغل سمسار .. و إنت ؟
    قالت : أنا مدرِّسة و جاية هنا أزور بت خالي .. أبارك ليها الولد ..
    يتصبب العرق غزيراً ...
    تتحاشى نظراته الغريبة ... فتنظر لسقف المصعد ..
    تبدأ البكاء من جديد : دة زعل أمي مني ... ما أخدت منها العفو قبال أمرق ..
    قال و هو يحاول جاهداً أن تخرج كلماته دون أن يبدو كالخائف : أمك زعلتيها في شنو ؟
    قالت و هي تستعيد الأحداث في مخيلتها ساهمة : أخوي قاعد عاطل في البيت و دايرني أديهو مصاريف كل يوم .. و أمي بتزعل كان ما أديتو ..
    قال بسرعة : ما أظن دة سبب يخلي أمك تشيل منك و ربنا يحاسبك بيهو بي جنس ورطتنا دي ..
    قالت متهالكة : إنت ما بتعرف أمي يا خوى..
    صمتٌ مُطْبِق ..
    ينزلق المصعد في سرعة مرتَجَّاً .. ثم يصمت ثم يتوقف محدثاً طقطقة مخيفة..
    الخوف يدب في قلبه ...
    تجلس على أرضية المصعد واضعة يديها على رأسها ...
    قالت و هي تمسح دموعها المختلطة بالعرق المتصبب : يا ربي سويت شنو أنا ؟
    قال كالهامس : أنا السويت و الله.... أنا ال سويت و سويت و ما بقِّيتْ...
    ثم قال بخجل : أمس القريب دة جيت سكران أنصاص الليالي .. و لما ما لقيت عشا ، هرجْت مع المرا .. و كلمة مني و كلمة منها قمت ضربتها علقة .. و مرقتْ الصباح زعلانة عند أهلها و ما سألت فيها ... تكون ندهتْ جدودا الفقرا .. عندها جِد إيدو لاحقة ..
    قالت في غضب من بين بكائها : بالله في زول الزمن دة بيقول جنس كلامك دة ؟ فقرا شنو و نديهة شنو ؟ ليه ما تقول إنها طلبتْ من الله يديك قدر فعايلك معاها ؟
    قال كالتائه : إنتي ما مصدقاني ؟ دي ما أول مرة .. كل مرة بتحصل لي مصيبة بي سبب غلطاتي معاها أقوم أطلب منها السماح .. و أبوس راسا ... المسكينة تسامحني من هنا .. و المصيبة تتفشا من هني.
    قالت : أنا ال جابني شنو معاك في الأسانسير دة ؟
    قال ساخراً : يعني غضب زوجتي أسوأ من غضب أمك عليك ؟
    كلما مر الوقت .. كلما تضخم الخوف في نفسيهما و تفرَّع إلى وساوس من مختلف الأشكال و الأنواع..
    قال في مرارة : أنا جربت أكون يتيم من ما أنا صغير .. جربتو بمعنى الكلمة و شربت معاناتو شراب.. و دة المخوفني حسع .. خايف حبيبتي الصغيرة ( عزة ) و ولدي العزيز ( مجدي ) يعيشوا نفس حياتي البائسة ديك ...

    و نزلتْ دمعة حاول أن يداريها عنها ...
    تشنجتْ من البكاء بصوت عالٍ ...
    قال بصوت تغمره الحشرجة : إنت متزوجة ؟
    قالت و هي تغطي وجهها بثوبها : مطلقة
    قال و هو يحاول تلطيف الجو : و منو قصير النظر دة الطلقك ؟
    قالت : أنا الطلقتو ...
    قال : ليه كدة يا بت الحلال ؟
    قالت : كان من إختيار أبوي.... راضيت أبوي من هنا .. و وريت زوجي نجوم القايلة من هنا ...
    قال : يعني ما طلقتيهو .. المسكين إتخارج منك ..
    قالت : فسرها زى ما عاوز ..
    قال : بالله ما ندمانة على فعايلك معاهو ..؟
    أطرقتْ طويلاً .. ثم أجهشتْ بالبكاء ..
    قالت : عمايلي معاهو إبليس ما يسويها ... عذبتو كتير و الله .. خليتو صغيِّر قدام أهلو و قدام أصحابو .. ما ضاق مني يوم واحد لا إحترام و لا كلمة حلوة ... ما رجع يوم من الشغل و لقاني في البيت ... قصرتَ معاهو في كل شي و الله .. و هو يوم ما سمَّعْني كلمة جارحة .. صبر علي كتير .. و كلما يصبر أنا أزيد ليهو جرعة المكايدة و عدم الإحترام .
    ثم واصلت تشنجها .. و هي تتمتم : سامحني يا رب ..
    قال : و كمان تقولي شن جابك معاى في الأسانسير ؟ أنا المفروض أقول الكلام دة ..
    أصوات تأتيهما من أسفل ..
    قال لها : أنا غايتو لو مرقت من هنا سالم ... بروح أبوس رجل مرتي.
    قالت كمن تؤَمِّن على تعهده : و أنا بروح بستسمح زوجي يغفر لى و يرجع عشان أعوضو الأيام الفاتت. و الله ببوس التراب ال تحت كرعينو ..
    عندما إنساب المصعد هابطاً في تؤدة ..
    ثم توقف و صافحتهما نسمات باردة ..
    شاهدا الغفير و هو يتمتم : حمد لله على السلامة ..
    إبتسمتْ له و هي تعانقه كمن تعرفه منذ زمن ..
    أها بتروح تستسمح مرتك هسع ؟
    قال و هو يحك رأسه : صراحة هي دائما الغلطانة .. ما مفروض ترد علي و أنا سكران.
    ثم أردف : أحسن تروحي تاخدي رضا أمك بأي طريقة و تصلحي غلطاتك معاها.
    قالت بعصبية و هي تمسح عرق ( الزنقة ) : إنت بتقبل تصرف على عاطل قاعد ليك في البيت ؟
    قال : طيب زوجك .. أمشي صالحيه ..
    قالت : بالله راجل يرضى يتزوج واحدة ما عاوزاه و لا طايقة شوفتو ؟ دة راجل شنو دة ؟

    عندما إفترقا دون الصعود إلى وجهتيهما في العمارة ..
    توجه هو إلى حيث يمارس ( سلطان مزاجه ) ..
    أما هي .. فقد توجهتْ إلى السوق في مشوار شراء لم يكن في حسبانها.

    (عدل بواسطة ابو جهينة on 01-31-2007, 02:47 PM)
                  

العنوان الكاتب Date
و كان الـــ .... ثالثهما .. ابو جهينة01-31-07, 02:36 PM
  Re: و كان الـــ .... ثالثهما .. انور الطيب01-31-07, 07:15 PM
    Re: و كان الـــ .... ثالثهما .. ابو جهينة02-01-07, 08:32 AM
  Re: و كان الـــ .... ثالثهما .. samo02-01-07, 07:49 AM
    Re: و كان الـــ .... ثالثهما .. ابو جهينة02-01-07, 10:07 AM
  Re: و كان الـــ .... ثالثهما .. مجاهد عبد الرحمن02-01-07, 09:01 AM
    Re: و كان الـــ .... ثالثهما .. Muna Khugali02-01-07, 09:35 AM
      Re: و كان الـــ .... ثالثهما .. ابو جهينة02-01-07, 06:03 PM
    Re: و كان الـــ .... ثالثهما .. ابو جهينة02-01-07, 11:19 AM
  Re: و كان الـــ .... ثالثهما .. سمية الحسن طلحة02-01-07, 09:35 AM
    Re: و كان الـــ .... ثالثهما .. ابو جهينة02-03-07, 08:48 AM
      Re: و كان الـــ .... ثالثهما .. سمية الحسن طلحة02-04-07, 08:47 AM
        Re: و كان الـــ .... ثالثهما .. ابو جهينة02-05-07, 09:28 AM
          Re: و كان الـــ .... ثالثهما .. سمية الحسن طلحة02-07-07, 04:39 PM
        Re: و كان الـــ .... ثالثهما .. nourelhadi awad02-07-07, 07:54 PM
  Re: و كان الـــ .... ثالثهما .. طارق عبد اللطيف نقد02-03-07, 12:47 PM
    Re: و كان الـــ .... ثالثهما .. ابو جهينة02-04-07, 01:20 PM
      Re: و كان الـــ .... ثالثهما .. حبيب نورة02-04-07, 01:37 PM
        Re: و كان الـــ .... ثالثهما .. هاشم أحمد خلف الله02-04-07, 05:44 PM
          Re: و كان الـــ .... ثالثهما .. ابو جهينة02-06-07, 10:04 AM
        Re: و كان الـــ .... ثالثهما .. ابو جهينة02-05-07, 01:05 PM
  Re: و كان الـــ .... ثالثهما .. nourelhadi awad02-04-07, 07:34 PM
    Re: و كان الـــ .... ثالثهما .. munswor almophtah02-05-07, 09:55 AM
      Re: و كان الـــ .... ثالثهما .. هاشم أحمد خلف الله02-06-07, 06:44 AM
        Re: و كان الـــ .... ثالثهما .. ابو جهينة02-10-07, 09:53 AM
      Re: و كان الـــ .... ثالثهما .. ابو جهينة02-07-07, 09:21 AM
    Re: و كان الـــ .... ثالثهما .. ابو جهينة02-06-07, 03:07 PM
  Re: و كان الـــ .... ثالثهما .. امير عوض الجمري02-06-07, 07:37 AM
    Re: و كان الـــ .... ثالثهما .. ابو جهينة02-07-07, 10:37 AM
  Re: و كان الـــ .... ثالثهما .. أبو الحسين02-06-07, 09:35 AM
    Re: و كان الـــ .... ثالثهما .. سيد محمد احمد سيدنا02-06-07, 10:02 AM
      Re: و كان الـــ .... ثالثهما .. ابو جهينة02-08-07, 08:43 PM
    Re: و كان الـــ .... ثالثهما .. ابو جهينة02-07-07, 03:09 PM
  Re: و كان الـــ .... ثالثهما .. celecon02-07-07, 10:39 AM
    Re: و كان الـــ .... ثالثهما .. حبيب نورة02-10-07, 03:20 PM
      Re: و كان الـــ .... ثالثهما .. ابو جهينة02-12-07, 09:25 AM
    Re: و كان الـــ .... ثالثهما .. ابو جهينة02-11-07, 10:18 AM
      Re: و كان الـــ .... ثالثهما .. حليمة محمد عبد الرحمن02-11-07, 11:58 AM
        Re: و كان الـــ .... ثالثهما .. ابو جهينة02-12-07, 09:52 AM
  Re: و كان الـــ .... ثالثهما .. هشام آدم02-11-07, 03:32 PM
    Re: و كان الـــ .... ثالثهما .. سمية الحسن طلحة02-11-07, 07:08 PM
      Re: و كان الـــ .... ثالثهما .. ابو جهينة02-13-07, 01:04 PM
        Re: و كان الـــ .... ثالثهما .. سمية الحسن طلحة02-13-07, 05:41 PM
    Re: و كان الـــ .... ثالثهما .. ابو جهينة02-12-07, 10:01 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de