|
Re: فرصة نادرة - عرض شامل وكامل للزار السودانى فى هولندا- لايدن 23 اكتوبر2009 (Re: حاتم شناب)
|
( زار ) يا ضياء الدين ؟؟
زار عديل كدا ؟؟
دا الجيت بيهو بعد الغيبة الطويلة دي ؟؟
ياخي انت انسان فنان ؛ مالك و مال الحاجات دي ؟
و 5 يورو كمان ؟
بتمشي وين بعد (العرض) ؟ لجيب منو ؟؟
و عامل دعاية في المنبر لشيئ تجاري و بمقابل كمان ؟؟
بالله كلم الشيخة الجليلة بتاعت الزار دي خليها تدخل لي واحد من شواطينا ديل في دماغي دا ..
رجاءا ..
أصلو اليومين ديل ما عاجبني - دماغي - و ما بعيش في الدنيا دي الا مجنون ..
داير أجن ياخي و أمرق من الدنيا ملوص ..
تعرف الملوص يا ضياء الدين ؟
أنا بعرف الزار ..
لكن ما كنت منتظر من فنان - مفترض يقدم الوعي - يجي و يعلن عن (زار) و بتذكرة كمان ..
و التذكرة بـ5 يورو ..
5+5 =10 ..
لملموا العشرات دي ياخي و رسلوها لي خلوني شوية كدا أنعنش بيها و أفك ديوني و أدفع شوية من الايجار و شوية لبتاع الويكة و شويتين لبتاع الطماطم ..
ما داير كهربا و ما داير موية و ما بركب مواصلات ..
زار يا ضياء ياخي ..
تعال غني لينا شوية هنا من غناك الجميل داك - و الله جميل بدون نفاق - سمعتك و شفتك في النيل الأزرق في تلفزيون جار جارنا العندو (طبق ذهبي) .. لاقط للقنوات المالية الدنيا دي ..
استبشرت بيك خير .. و لسة الخير في .. العشم ما انقطع ..
لكن تجي تقول لي (زار) ؟
زار عديل كدا يا ضياء ؟؟
ع ي ب
|
|
|
|
|
|