حــــوار مــع الكــبـار...

Quote: : ..هذه المبادئ التي لاتقبل الميوعة والمهادنة وركوب السرجيين.... لكن دى بقت شويه بتتفهم كما يحب الاخرون .. لانو شكل المبادى البعرفها انا من اخلاق وو الخ من عملية مترابطه مع بعضها بقت سلعه واحده كل شخص او حزب عندو ليها دعاية مختلفه.. فى حين ان اغلبهم يكون فاقد الاهليه فى ان يلصق بنفسو بعض الاسامى (كالشرفاء- وو الخ) وعلى الاخرين لا.. يمكن ده موقفك وانت مؤمن بيهو فقط ما اعترضنا.. لكن رؤيتك لما يكتبه مثلا (طه )تختلف عن رؤيتى ليه..(شى طبيعى) لكن اكيد فى حد ادنى بنتلاقى فيهو والنقطه السبقه الفوق يمكن احدى النقاط.. وهنا الفارق اذا المحصله كل يرى ماهو مناسب من سُبل تسير الحياة وربما نتلاقى.. لانو اصلو مامكن تقنعنى بانو صيرورة الحياة تسير على وتيره واحده.. مثلا تقريبى.. حزب الامه حزب مناهض للنظام طلع من التجمع وشاف وسائلو الخاصه بى عملية النضال تجاه النظام.. ظل الحزب الاتحادى داخل التجمع.. هل معناه نتسطيع ان ننفى من حزب الامه انو غير شريف ووو الخ؟؟!! Quote: نعم لاتلاقي بين شمولي أقصائي(لازال يصرعلي هذا )ووشخص مؤمن بالحريات العامةوالتعددية وحقوق الانسان ...لاتلاقي بين من يمارس -وعن وعي وأصرار- من يمارس التعالي العرقي والديني وبين يناهض هذا.... لاتلاقي ولاتوجد منطقةرمادية أومنطقة للترقيع والتوفيق فالمسألة هنا مسألة مبدأء للطرفيين.. يمكن التلاقي بين يساري (كان شموليا)و ويميني كان شموليا ولازال يطرح طرح أسلامي... يمكن التلاقي علي أرضية الركون للخيار الديموقراطيوالتعددية والحريات ودولة المواطنة والأحتكام للجماهير ليبقي الصراع الفكري بعدها يدارمن خلال مؤسسات الديموقراطية.... ياكمال عن شخصى يوم واحد لم افكر ان الايدلوجيه بتاعت الجبهه مممكن ان اتوافق معاها ولا حتى لو حاولت بلقى جواى رافض.. شوف بالرغم بعدم ايمانى باغلب التنظيمات.. يعنى بقيت واقف اتفرج عليهم لانو البحصل وهو قدامك مافى فرق من غير انو ديل فى الكرسى وديل لا.. اوكى (ودى نظرة كمية كبيره من الجيل الحال ويمكن كمان تلقى من الكبار كذلك).. حتقول لى انو المابساهم فى حل المشكله هو جزء منها اقول ليك كلامك صحيح لكن ده اولا اذا لم يحصل رد فعل عنيف تجاه المقابل الذى اُعطى .. بالاضافه او بفهم كل قاعده استثناء... بانو مادام اتلخبط على الناس الاختصاص يبقى شكل الوقوف مع القضايا يكون بدافع او بى فهم (الحقيقة فوق العقيدة .. والعدل قبل الاحسان ) ودى مامحجوره على تنظيم معين او شخص معين بقدر ما اعطيت تاخذ حقك وبقدر ما غلطان تُحاسب.. تكفل لنا ان نقف مع الحقيقه دون زيف اولا واصبحت في مضمونها تمثل حزب قائم بذاته.. كذلك لورجعنا الى حكاية الشموليه دى دى اكيد حتجر لحديث طويل خالص..افضل مانخوض فيهو وماتنسى بانو ايضا يتلاقو فى وجود انتهازيه يمينه واخرى يساريه.. وفى الواقع يلتقى الانتهازيون بصرف النظر عن صفاتهم من الناحية الموضوعية ؛بل وهم يلتقون غالبا من الناحية الذاتيه.. والتحايا النواضر..