|
Re: هو هذا نداك أم ندي الأزهار لعاصم الحزين ومحمد سابل (Re: محمد عبدالغنى سابل)
|
يا خضر انظر كيف كان انتاج ليالينا كلمات ود الحزين
كيف الأشواق يا زميل كيفك عل العينين صِبحن بي خير؟ ما الطير قال لَي شافك بتحرّض في رمشيك شان يحلبو ضي الشوف لينقّط يصبح سيل ضد الهدّام الرمي قدّام، عارفك فتران مشوارنا طويل لكن نسّام الصبر هديلو نبيل، و أنا كل ما أشوف يدّك كتبتلِي النَمْ بسمع تُم تُم و عويل الروح بتحوّل دفّه تسوق وطني و نتلَمْ و نلِم ما اتشتت في الكوراك، اللون الأحمر فيك بيحب الشارع و ذات الشارع لمّا نصارع و نفتح طاقة حسّو بيبقي الطول الفارع فكره و يبقي الحلم الناس الفاتو و ختو الساس، و أكيد ماشيين في السكه نمد من سيرة النسمه العارفه معاني النيل و الحب بتكُب في القلب اللون الواضح، و حنمشي بصوتاً صادح و نكتب في الكراس عن قاسم و عبد الخالق و عن رصّاصه بترصد دم الناس الصاح، بالصح كلّمني كيفك... عل العينين صبحن بي خير؟ و انا مفتكر يوم شاورت إيدك علي هذا الخطر و انّو بيوحّد شوقنا ضد هذا النزيف المستمر، بل كل ما يلمع علي الرمله النشيد يقوي الحلم بالوقفه صفاً جم بعض يا كم جميلاً حين تكورك في الجسد كل الخلايا بكم تحايا الصبح أوسم من يضيع كدا في الزوايا وطن يطنطن زحمه لخمه وطن يحنّن لمّه سمحه وطن يجنّن و حين تزغرت بت هناك و الناس تخش بيت الغنا و المطره تفتح بابا للشوق ضلفتين، حتي الرمال الفي الخيال تكتب علي القمصان تمام، يا كل من خان البلد بالدين فتح جبخانه و فجأه جانا قعد معانا سرق عشانا، الجرح أعمق من نودّر شهقتو و الفرحه عاتيه كما الجبال رغم الحصل نمشي في طريقا حجر حجر و الصدق صافي كما النبال نشّنا في كل اللي قال إنّو البلد اتلبدت سكتت و مات حيل النضال و أكيد تماماً طالما روحنا بتبوح بالممكنات المستحيله الوارفه بحّة أناشيدنا بتروح و الواطه ياها الفارعه زي ما انيقاً في الشعر (حمّيد) بقول دوماً لنا نحنا البإيدنا القدره عدّالة العوج، أفتح كتابك يا وريف أقراك بلد أقراك فتحت الطاقه للمشتاقه للوكت الجميل و أرفض معاي أن لا نتساوي و لا نتداوي و لا نتخاوي الأرض فسيحه و برضو مريحه اذا اتسالمنا و كدا نتوحّد و نبدا طريق، يا رفيق كيفك جداً طمني عليك علّ العينين صبحن بي خير؟
و سلام حتي مطلع الأمر
|
|
|
|
|
|
|
العنوان |
الكاتب |
Date |
هو هذا نداك أم ندي الأزهار لعاصم الحزين ومحمد سابل | خضر حسين خليل | 10-26-07, 03:08 PM |
Re: هو هذا نداك أم ندي الأزهار لعاصم الحزين ومحمد سابل | خضر حسين خليل | 10-26-07, 03:24 PM |
Re: هو هذا نداك أم ندي الأزهار لعاصم الحزين ومحمد سابل | خضر حسين خليل | 10-26-07, 03:25 PM |
Re: هو هذا نداك أم ندي الأزهار لعاصم الحزين ومحمد سابل | awad okasha | 10-26-07, 03:39 PM |
Re: هو هذا نداك أم ندي الأزهار لعاصم الحزين ومحمد سابل | محمد عبدالغنى سابل | 10-26-07, 05:09 PM |
Re: هو هذا نداك أم ندي الأزهار لعاصم الحزين ومحمد سابل | Mustafa Mahmoud | 10-26-07, 05:21 PM |
Re: هو هذا نداك أم ندي الأزهار لعاصم الحزين ومحمد سابل | خضر حسين خليل | 10-28-07, 05:53 PM |
Re: هو هذا نداك أم ندي الأزهار لعاصم الحزين ومحمد سابل | mahdy alamin | 10-28-07, 12:31 PM |
Re: هو هذا نداك أم ندي الأزهار لعاصم الحزين ومحمد سابل | محمد عبدالغنى سابل | 10-31-07, 11:37 AM |
Re: هو هذا نداك أم ندي الأزهار لعاصم الحزين ومحمد سابل | معاويه بشري | 10-31-07, 01:51 PM |
Re: هو هذا نداك أم ندي الأزهار لعاصم الحزين ومحمد سابل | محمد عبدالغنى سابل | 11-02-07, 05:18 PM |
Re: هو هذا نداك أم ندي الأزهار لعاصم الحزين ومحمد سابل | محمد عبدالغنى سابل | 11-05-07, 03:34 PM |
Re: هو هذا نداك أم ندي الأزهار لعاصم الحزين ومحمد سابل | خضر حسين خليل | 11-15-07, 04:56 PM |
Re: هو هذا نداك أم ندي الأزهار لعاصم الحزين ومحمد سابل | خضر حسين خليل | 11-05-07, 04:54 PM |
|
|
|