|
|
 Re: أسامة معاوية الطيب ... (Re: عبد الله إبراهيم الطاهر)
|
عبد الله الحبيب
كيف حالك.
-1-
أولاً عبرك بعتذر للجميع وأوّلن انت على الغياب الأنا شايفو طويل ، والله الواحد بقى يخرم للمحل ده زي ركن مروي في تسعين وواحد وتسعين في جامعة القاهرة الفرع وزي دار التطوير من اتنين وتسعين ولا قدام. وديك كمان أيام براااااها.
-2-
القطر وقف والنقل النهري وقف والسوق وقف والحال وقف والرجال نامت وكريمة يا حليلة بقت خراب الواحد يهم ساعة يبقى جايي عليها. مافي شيتاً يجيبك عليها لا كمونية حسبو لا مطعم الانقايي (زمان) ولا فول الجعلي ولا عاطف خيري ولا "زقاق قرش ونص" ولا عرقي "جوزف" النضيف (عرقي الكمبو ما ولفت عليهو بعدين مشاكلو تطيرو من راسك)، غايتو فضل حبيبنا محمد الطيب يكابد في رمال فقد الأصدقاء الحارقة وفي بنات الكليات وأحزانو المسائية وعزاهو في الطمبور و" بهجة الروح يا مناي" ، والله يكون في العون.
-3-
واحد من بلدنا سألتو مرة عن أخبار الشراب في كريمة مع سيطرة التزمت الشرطي والمداهمات، قال لي مافي أي مشكلة مواصلين طوالي أصلو ما وقفنا . سألتو طبعاً والدهشة شجر تشوفو اليمامة وحبوبة بت ود علي الله يرحمها ويعوضا عن عماها ، لكن إجابتو كانت جميلة جمال ، اتخيل قال لي:
والله أنا اعتبرت انو سعر القزازة زاد خمسة ألف وأربعين سوط. ... (بس)
(والخمسة ألف هي الغرامة التي يفرضها قضاتنا هناك على السكير بجانب الجلد)
بالله جمال زي ده الواحد يفوتو يمشي وين؟
-4-
| Quote: عبد الكريم إحميدي (هو أنتو حضرتوهو؟؟؟) |
حضرناهو ودرسنا في أولى وبعد داك سافر "الكويت على ما اعتقد"، وهو من أميز المعلمين الذين مروا علي وما أكثر من مر وما أكثر من ترك خدوشاً وعواوير .
بسطتني جداً قصتك عن استاذ الأحياء وانبسطّ اكتر من نباهتك مع ود شبو بخصوص معلومة التاريخ. والله كلنا مرينا عليها وزعلنا من السودانيين الفشلو الجماعة في أرض الحرم. شفت نوع الحاجات دي أنا اصلو ما قاعد اعتبرا عفوية أو غير مقصودة. علي الأيمان أنا متأكد إنو منهجنا ده كلو من "بارز الثعلابو يوماً" ديك ولغاية المحل الوقّفك ده كلو مضروب وكلو مختوت عشان يلد الخراب الحاصل ده والمحن العلينا الغلّبت الأجاويد. وده كلام طويل نزحو من هنا عشان ما يخرب القعدة.
الداير أقولو إنو أستاذ الأحياء زمنّا كان قسم الكريم -يطراهو الله بالخير - محل ما كان، الراجل ده كان استاذ قدير وكان منجِّض شغلتو "الحق يتقال"، لكن كان مكجّني بلا سبب. كان دايماً يعتبر شغبي مقصودبو هو في نفسو. والغريبة اني كنت معاهو تحديداً بكون مؤدّب جداً . لكن أنا أعتقد السبب إنو مرة سأل في بداية سنة أولى وأوائل حصص الأحياء وكان الكلام عن الضفادع (القعوي) قال: أنثى الضفدع دايماً أكبر حجماً من الذكر ، ليييييييييييييييييه؟
طبعاً الفصل صننننننننننننا. أخوك طبعاً فيهو الزكاوة . طق رفعت إيدي ، ووقفت وبي عين قوية قلت ليهو: عشان تقدر تشيل الراجل.
وطبعاً ممكن تتخيل حال الفصل بقى كيف في اللحظة ديك. حتى توجست خيفة
لكن على العكس أشاد الرجل بالإجابة ثم أشاد بي.
لكن الفكرة الختاها عني شنو ماب اعرفا. وبقى كلما يلقاني قدامو وشيهو يتقلب. وكلما يلقاني في مشكلة حتى لو مع استاذ تاني يتدخل ويصفني بي "بتاع مشاكل." ويزيد عليها "إنت في أولى عامل فينا كده لمن تمشي لي قدام تعمل شنو؟"
أتمنى أن يكون في كامل صحته وعافيته الآن. وله احترامي أينما حل وشكري على أفضاله علي.
-5-
لكن أساتذة العلوم عموماً ما كنت موفق معاهم ما عدا أستاذ عبدالرحيم فيزياء - وده الكيزان ما خلوهو- وبعد كم شهر حولوهو الصناعية تقول عرفو اني جبت في الفيزياء في وكتو 38 من 40 وتاني ما عرفت أرقام قدر دي في الفيزياء ولا في غيرا من العلوم. وفي الكيمياء أصلاً الاستاذ ما كان بيتعب نفسو "بس دورانية كبيرة وخلاص" كنت بباصي العلوم بالأحياء وشوية فيزياء فقط.
-6-
الكيمياء كان بدينا ليها حسن كيميا (حسن محمد سعيد) "حموري" - من أهل الكُنَيْسَة- (قرر أهل الإنقاذ يغيرو اسمها لي "الصفا" ويا زول جابو الضبايح ومكبرات الصوت والغنا الجهادي وختو اللافتات بينا وبين قوز هندي وبينا وبين مساوي "مرحباً بك في قرية الصفا" وكان أهلها مذهولين مما يجري ولكن ردهم الحامض جا بعد نهاية السماية حيث اختفى المركوب "جلد النمر" حق المحافظ وأكيد يكون مرق في بجبوج، ونسى الناس الاسم وبقيت حكاية المركوب والمقولة الشهيرة لأحد مواطني الكنيسة "والله اللحم أكلناهو لكن ياها الكنيييسي" مع التشديدات اللازمة).
وكان حسن كيميا -زمنا الطلبة- الأمين العام للجبهة الإسلامية بكريمة. واظنو كان كاب المادة دي ، لكن والله قدر ما حاولت افهمو بيقول في شنو ما قدرت. المهم برضو كان عندو راي فيي ما عارف سببو شنو.
وانا في تالتة كنت قاعد جمب الشباك الورا. وكان ورانا طوالي الفصل العلمي. يعني الاستاذ الجايي من شعبة الجغرافيا والإنجليزي بيمر بالبرندة كلها لامن يصل فصل الدكاترة. في فترة كنت مربي "ضب خلا" عندي في الدرج. بجي كل صباح امرقو اديهو حومة فوق الدرج والشباك افسحو شوية وبعد داك ارجعو الدرج تاني. اليوم داك علي التعتر جا حسن كيميا اظنو من شعبة الجغرافيا شغال صباح في الفصل العلمي وتاريهو شاف المنظر بالشباك ووقف يتفرج وانا ما جايب خبر افسِّح في صاحبي ومرة مرة اخوِّف بيهو زول وارمي في فلان واخليهو يخربش علان، وفجأة لاحظت انو الناس صنت. وطبعاً برااااحة بالحركة البطيئة حولت راسي تجاه الشباك ولقيت لك الأستاذ واقف مالي الشباك "اللهم صلي على النبي" وفي وشيهو سخرية الدنيا والعالمين وشي من احباط، واللا فرحة لصدق نبوءته في العبد لله ما عارف، المهم ضحك ضحكتو المتهكمة الكان مشهور بيها خالص وقال لي: والله تنجح واللا تقرالك جامعة أمشط ده وارقص لك (وأشار إلى شعر رأسه) وذهب لحال سبيله تاركاً حرقة وخيطاً من دم يتقطر بروحي.
الغريبة قابلته بعد عدة سنوات بسوق كريمة وحين سلمت عليه سرح ببصره ورفع رأسه وفاجأني بـ" بدري الياس الخليفة أحمد" والله أنا الأيام ديك بكون ما متذكر اسمي بالوضوح ده.
سألته: غريبة يا استاذ حافظ اسمي بالرغم من اني ما متذكر أبداً انك يوم واحد ناديتني بي اسمي طوال زمن الدراسة ، وبعدين أنا ما كنت مصنّف من ولادك. (كان يسمي بعض الطلاب بأنهم "ولادو" وبالطبع لم أكن منهم).
أجابني ضاحكاً: الزول بيعرف الناس "الولادو" وبيعرف أكتر الناس الماهن ولادو.
أخبرته أنني على وشك التخرج ولكن لم أسأله عن مصير قسمه. ولم أطالبه بالاستعداد للخضوع لسطوة المشاطة وغلظة المشاط.
ربنا يطراهو بالخير حيثما كان.
-7-
فيزيا سنة تانية كانت غريبة وغير قابلة للفهم حسب رأيي الشخصي القائم علي مخ تخين فيما يخص هذه العلوم. وكان الأستاذ (الذي نسيت اسمه للأسف) من أولئك الخريجين المنتمين للجبهة الإسلامية والذين تم غزو المدارس الثانوية - بالذات في الشمالية - بهم مستغلين حالة الغياب التام لبقية الأحزاب المنكفئة على غبائها والنائمة على كومة خرائها حتى أيقظتها الطلقات في الثلاثين من يونيو ليحصد كل واحد ما زرع ولنخسر نحن كل شيء.
أرسل هذا الأستاذ المسكين – وكان من ولاد المدن- ليصطدم بغلظة طباعنا وجلافتنا فأطلقنا عليه اسم (عين سِفِر) وهي رمز فيزيائي على ما اعتقد، فقد كان يرقّق الصاد في كلمة "صفر" حتى تشكوه عند سخريتنا ولهذا فلم نعرف له اسماً غيرها.
عرفت أن البنات – كان يدرس نفس المادة في الثانوية بنات- أطلقن عليه اسم "تسالاية" نسبة لحبة التسالي، وأعتقد أن قدرة البنات على السخرية والتوصيف لا قبل للأولاد بها. كثيراً ما سببت له الآلام والإزعاج وفي مرة اضطررته للخروج من الفصل مغاضباً وحردان دون أن يشك لحظة أنني وراء كل ذلك – غفر الله لي- فقد كان الرجل يحمل لي الكثير من الود وحتى لو قرأ هذا الكلام فهو لن يصدق أنني من كان يفعل تلك "الهوايل"، كم كان المسكين مخدوعاً في براءتي.
مرة كان الامتحان النهائي، والزمن داك طبعاً كانت الامتحانات تطبع على الرونيو ودايماً تكون في مشاكل بسبب عدم وضوح الكتابة ، وكان الطلاب يستغلون ذلك في تسبيب بعض الفوضى التي تتيح تبادل البخرات والحصول على بعض الإجابات بالطرق غير المشروعة التي تعطي المسائل بعض الإثارة.
المهم كان الامتحان داك كان فيهو بعض السطور ما واضحة، وبالنسبة لي كان كلو واحد، الواضح والما واضح، ومن أول خمسة دقايق رفعت يدي مستأذناً في الخروج مما جعل دهشة المراقب تسيل حتى تبلل ورقة الامتحان. طالبني بالصبر حتى مضي نصف الزمن. اخبرته بلطف أنه لا حاجة بي لكل النصف واني أتبرع بنصيبي لبقية الزملاء. رفض. وبقيت قاعد مرة أغني ومرة أقوم ببعض الحركات المريبة. مضيفاً شوشرة غير محتملة للجو المكهرب أصلاً بعدم وضوح الامتحان وعصلجة مسائل الفيزياء. وكلما ارتفعت الأصوات مطالبة بضرورة حضور استاذ المادة لحل المشكلة رفعت يدي مطالباً بحقي الشرعي في الخروج واستنشاق الهواء المعافى من رائحة الرونيو ودخان صواريخ الفيزياء التي تنطلق وتتلاقى بفعل عبقريات لم أمنح منها نصيباً، وكنت أعلم أن جلوسي لن يجعل أبداً ذينك الحجرين يتلاقيان في نقطة يريدها الأستاذ وأنشتاين. ونلت أخيراً ما تمنيت وأذن لي المراقب بالخروج بشكل أقرب للطرد منه للسماح.
وانا في باب الفصل التقيت بالاستاذ "عين سفر" والإرهاق والتوتر باديان على ملامحه بسبب مروره على كل الأنهر لقراءة الإمتحان وتوضيح ما غمض منه وتذمر الطلاب.
دفعتني الدهشة التي خرجت من عينيه خطوة خلف عتبة الباب وهو يسألني: بدري الياس ماشي وين؟
جاوبتو: انتهيت يا استاذ وطالع.
ولما لم يكن قد مضى على الامتحان عشرين دقيقة والكل يشكي من رداءة الطباعة، استفسرني المسكين:
طيب الامتحان ما واضح حليتو كيف؟
قلت له، وأنا أزيحه قليلاً من الباب ليلحق بغضب بقية الطلاب قبل أن يحرقه ولألحق أنا ماذا لا أعرف، : أنا ورقتي واااااضحة يا استاذ وما كان عندي أي مشكلة.
وهكذا لأكفر قليلاً عن ازعاجي له فلم أكلفه أبداً عناء التصحيح ، فقط اكتفي بوضع تلك الدائرة الحمراء والتي تعني Big Zero . وكفى الله المدرسين شر الأوغاد.
يتواصل
|
|
 
|
|
|
|
|
| العنوان |
الكاتب |
Date |
| أسامة معاوية الطيب ... | خضر حسين خليل | 05-26-05, 07:27 PM |
| Re: أسامة معاوية الطيب ... | بدري الياس | 05-28-05, 10:29 AM |
| Re: أسامة معاوية الطيب ... | عبد الله إبراهيم الطاهر | 05-29-05, 01:48 AM |
| Re: أسامة معاوية الطيب ... | بدري الياس | 05-29-05, 10:00 AM |
| Re: أسامة معاوية الطيب ... | بدري الياس | 05-29-05, 10:07 AM |
| Re: أسامة معاوية الطيب ... | بدري الياس | 05-29-05, 10:10 AM |
| Re: أسامة معاوية الطيب ... | خضر حسين خليل | 05-29-05, 03:43 PM |
| Re: أسامة معاوية الطيب ... | خضر حسين خليل | 05-29-05, 03:45 PM |
| Re: أسامة معاوية الطيب ... | شرووم | 05-30-05, 06:11 AM |
| Re: أسامة معاوية الطيب ... | شرووم | 05-30-05, 06:18 AM |
| Re: أسامة معاوية الطيب ... | خضر حسين خليل | 05-30-05, 07:28 PM |
| Re: أسامة معاوية الطيب ... | المعتمد | 05-31-05, 00:13 AM |
| Re: أسامة معاوية الطيب ... | خضر حسين خليل | 05-31-05, 06:39 PM |
| Re: أسامة معاوية الطيب ... | محمد عبدالرحمن | 06-01-05, 02:19 PM |
| Re: أسامة معاوية الطيب ... | خضر حسين خليل | 06-01-05, 04:38 PM |
| Re: أسامة معاوية الطيب ... | شرووم | 06-02-05, 00:47 AM |
| Re: أسامة معاوية الطيب ... | بدري الياس | 06-02-05, 03:21 AM |
| Re: أسامة معاوية الطيب ... | بدري الياس | 06-02-05, 03:46 AM |
| Re: أسامة معاوية الطيب ... | أيزابيلا | 06-02-05, 04:28 AM |
| Re: أسامة معاوية الطيب ... | خضر حسين خليل | 06-02-05, 05:43 AM |
| Re: أسامة معاوية الطيب ... | خضر حسين خليل | 06-02-05, 05:45 AM |
| Re: أسامة معاوية الطيب ... | خضر حسين خليل | 06-02-05, 05:38 AM |
| Re: أسامة معاوية الطيب ... | عبد الله إبراهيم الطاهر | 06-02-05, 08:44 AM |
| Re: أسامة معاوية الطيب ... | بدري الياس | 06-05-05, 09:23 AM |
| Re: أسامة معاوية الطيب ... | خضر حسين خليل | 06-05-05, 05:41 PM |
| Re: أسامة معاوية الطيب ... | بدري الياس | 06-06-05, 09:16 AM |
| Re: أسامة معاوية الطيب ... | شرووم | 06-06-05, 02:32 AM |
| Re: أسامة معاوية الطيب ... | خضر حسين خليل | 06-06-05, 06:47 AM |
| Re: أسامة معاوية الطيب ... | شرووم | 06-06-05, 07:43 AM |
| Re: أسامة معاوية الطيب ... | بدري الياس | 06-06-05, 10:28 AM |
| Re: أسامة معاوية الطيب ... | خضر حسين خليل | 06-06-05, 05:34 PM |
| Re: أسامة معاوية الطيب ... | خضر حسين خليل | 06-06-05, 05:33 PM |
| Re: أسامة معاوية الطيب ... | بدري الياس | 06-07-05, 09:48 AM |
| Re: أسامة معاوية الطيب ... | خضر حسين خليل | 06-07-05, 06:51 PM |
| Re: أسامة معاوية الطيب ... | بدري الياس | 06-09-05, 04:25 AM |
| Re: أسامة معاوية الطيب ... | شرووم | 06-08-05, 04:41 AM |
| Re: أسامة معاوية الطيب ... | بدري الياس | 06-09-05, 04:31 AM |
| Re: أسامة معاوية الطيب ... | عبد الله إبراهيم الطاهر | 06-09-05, 06:29 AM |
| Re: أسامة معاوية الطيب ... | أسامة معاوية الطيب | 06-10-05, 06:48 AM |
| Re: أسامة معاوية الطيب ... | nassar elhaj | 06-10-05, 07:02 AM |
| Re: أسامة معاوية الطيب ... | بدري الياس | 06-14-05, 02:11 AM |
| Re: أسامة معاوية الطيب ... | خضر حسين خليل | 06-10-05, 06:35 PM |
| Re: أسامة معاوية الطيب ... | بدري الياس | 06-13-05, 04:06 AM |
| Re: أسامة معاوية الطيب ... | بدري الياس | 06-13-05, 04:11 AM |
| Re: أسامة معاوية الطيب ... | بدري الياس | 06-13-05, 11:17 AM |
| Re: أسامة معاوية الطيب ... | شرووم | 06-11-05, 03:58 AM |
| Re: أسامة معاوية الطيب ... | عبد الله إبراهيم الطاهر | 06-11-05, 05:50 AM |
| Re: أسامة معاوية الطيب ... | خضر حسين خليل | 06-11-05, 03:48 PM |
| Re: أسامة معاوية الطيب ... | بدري الياس | 06-14-05, 01:21 AM |
| Re: أسامة معاوية الطيب ... | عبد الله إبراهيم الطاهر | 06-11-05, 06:16 AM |
| Re: أسامة معاوية الطيب ... | خضر حسين خليل | 06-11-05, 03:54 PM |
| Re: أسامة معاوية الطيب ... | شرووم | 06-12-05, 06:06 AM |
| Re: أسامة معاوية الطيب ... | عبد الله إبراهيم الطاهر | 06-12-05, 08:54 AM |
| Re: أسامة معاوية الطيب ... | خضر حسين خليل | 06-12-05, 06:20 PM |
 Re: أسامة معاوية الطيب ... | شرووم | 06-14-05, 00:19 AM |
| Re: أسامة معاوية الطيب ... | خضر حسين خليل | 06-14-05, 04:52 PM |
| Re: أسامة معاوية الطيب ... | عبد الله إبراهيم الطاهر | 06-15-05, 00:08 AM |
| Re: أسامة معاوية الطيب ... | شرووم | 06-16-05, 01:56 AM |
| Re: أسامة معاوية الطيب ... | شرووم | 06-17-05, 11:53 PM |
| Re: أسامة معاوية الطيب ... | عبد الله إبراهيم الطاهر | 06-18-05, 03:19 AM |
| Re: أسامة معاوية الطيب ... | بدري الياس | 06-21-05, 06:00 AM |
| Re: أسامة معاوية الطيب ... | عبد الله إبراهيم الطاهر | 06-21-05, 06:35 AM |
| Re: أسامة معاوية الطيب ... | yasiko | 06-21-05, 12:51 PM |
| Re: أسامة معاوية الطيب ... | شرووم | 06-22-05, 02:12 AM |
| Re: أسامة معاوية الطيب ... | بدري الياس | 06-22-05, 03:24 AM |
| Re: أسامة معاوية الطيب ... | بدري الياس | 06-22-05, 03:40 AM |
| Re: أسامة معاوية الطيب ... | شرووم | 06-22-05, 05:16 AM |
| Re: أسامة معاوية الطيب ... | خضر حسين خليل | 06-23-05, 12:40 PM |
| Re: أسامة معاوية الطيب ... | عبد الله إبراهيم الطاهر | 06-24-05, 00:32 AM |
| Re: أسامة معاوية الطيب ... | عبدالقادر محمد عبدالقادر | 06-26-05, 01:27 PM |
| Re: أسامة معاوية الطيب ... | بدري الياس | 06-28-05, 04:17 AM |
| Re: أسامة معاوية الطيب ... | شرووم | 06-29-05, 01:25 AM |
| Re: أسامة معاوية الطيب ... | خضر حسين خليل | 07-01-05, 02:11 PM |
| Re: أسامة معاوية الطيب ... | شرووم | 07-02-05, 05:56 AM |
| Re: أسامة معاوية الطيب ... | أيزابيلا | 09-22-05, 03:08 AM |
| Re: أسامة معاوية الطيب ... | خضر حسين خليل | 09-22-05, 05:48 PM |
| Re: أسامة معاوية الطيب ... | خضر حسين خليل | 09-23-05, 04:18 PM |
| Re: أسامة معاوية الطيب ... | خضر حسين خليل | 09-23-05, 05:03 PM |
| Re: أسامة معاوية الطيب ... | خضر حسين خليل | 09-24-05, 08:20 AM |
| Re: أسامة معاوية الطيب ... | أيزابيلا | 09-25-05, 02:50 AM |
| Re: أسامة معاوية الطيب ... | خضر حسين خليل | 09-25-05, 08:43 AM |
| Re: أسامة معاوية الطيب ... | خضر حسين خليل | 09-25-05, 12:34 PM |
| Re: أسامة معاوية الطيب ... | خضر حسين خليل | 09-26-05, 12:45 PM |
| Re: أسامة معاوية الطيب ... | بدري الياس | 11-10-05, 02:49 AM |
| Re: أسامة معاوية الطيب ... | خضر حسين خليل | 11-10-05, 04:28 PM |
| Re: أسامة معاوية الطيب ... | بدري الياس | 11-13-05, 09:49 AM |
| Re: أسامة معاوية الطيب ... | احمد العربي | 11-15-05, 02:31 AM |
| Re: أسامة معاوية الطيب ... | احمد العربي | 11-15-05, 02:42 AM |
| Re: أسامة معاوية الطيب ... | احمد العربي | 11-15-05, 03:47 AM |
| Re: أسامة معاوية الطيب ... | خضر حسين خليل | 11-15-05, 05:34 PM |
| Re: أسامة معاوية الطيب ... | احمد العربي | 11-16-05, 01:19 AM |
| Re: أسامة معاوية الطيب ... | شرووم | 11-17-05, 02:49 AM |
| Re: أسامة معاوية الطيب ... | خضر حسين خليل | 11-17-05, 07:24 AM |
| Re: أسامة معاوية الطيب ... | ابن النخيل | 11-18-05, 05:31 PM |
| Re: أسامة معاوية الطيب ... | شرووم | 11-19-05, 07:14 AM |
| Re: أسامة معاوية الطيب ... | عبد الله إبراهيم الطاهر | 11-21-05, 09:32 AM |
| Re: أسامة معاوية الطيب ... | Ibrahim Algrefwi | 11-21-05, 10:44 AM |
| Re: أسامة معاوية الطيب ... | بدري الياس | 12-07-05, 09:43 AM |
| Re: أسامة معاوية الطيب ... | خضر حسين خليل | 12-07-05, 04:02 PM |
 Re: أسامة معاوية الطيب ... | شرووم | 12-08-05, 03:17 AM |
| Re: أسامة معاوية الطيب ... | خضر حسين خليل | 12-08-05, 03:28 AM |
|
| |
فيس بوك
تويتر
انستقرام
يوتيوب
بنتيريست