حوار هادئ مع تروتسكي وصباح علي الجميع الابتعاد

Quote: دي طبعاً دايرة مفتاح ( أجل عديل) عشان الواحد يدخلا في دماغوا ويفكر فيها لكن مامشكلة نناقش علي قدر عقلنا ولنأخذ الشق الاول من مداخلته بأن الحزب لم يكن مقدار طموحه لاحظو سادتي طيب الحزب ده ماقدر طموحك مالك عليهو ياخي يعني خلاص كل المواضيع (بح) ومافضلت سيرة تتلاك الا سيرة الحزب . ذمان يامعتز كان بقولو لو عايز تظهر البس أصفر لكن يبدوا أن التغير قد طرأ حتي علي عمليات الظهور . بعدين ياخينا فسر لي أنت بنيت رأيك الاستدليت بيهوا في الشق التاني من كلامك أنو عملية التغيير صعبة في الحزب ياخينا أنت لاقريت لاباريت شيوعيين ياخي حتي الشيوعيين الفي منازلهم بيعرفوا أنو الثابت هو المتغير . ده طبعاً كلام ديالكتيك ونضمي غلاد وما أعتقد أنك ممكن تستوعب المسألة دي وأنت صاحب القرارات الجاهزة . مش كان أولي أنك تخش (توش) وتحاول تغير و خلينا من ده كلوا أنت بس من باب أضعف الايمان كان تقول نضميك ده من جوة المصيبة دي . التغيير ياتروتسكي جاي كان الليلة كان باكر وصدقني الكلام ده مالانو أنا مؤدلج لكن لانو دي بقت مسائل ضرورية لمواكبة مستجدات العصر .