|
|
 Re: الأسماء السودانية في الوثائق الرسمية (Re: welyab)
|
| Quote: أن مذيعي نشرات الإخبار في بعض المحطات الفضائية يتلعثمون دوما رغم قدراتهم اللغوية الفائقة فتجدهم يتلعثمون في نطق بعض الأسماء السودانية |
وكمان في الدوائر الرسمية العربية أو المطارات
مثلا كنت في الخارجية اليمنية ويتم تسليم المستندات بقراءة الإسم
فتوقف الموظف وبدأ يضحك بالله واحد يسمي نفسه الريٍح (الهواء) بدل قراءتها الرَّيح
في مطار القاهرة أيضاً حينما تجمع الجوازات يبدع أخواننا أبناء النيل في قراءتها
مثلاً
بت المنى خير السيد
إبن النيل يصيح في الصالة
بت المناخير السيد
وبت المنى مسكينة ساكنة ما جايبة خبر إلى أن إنتبه من يرافقها قائلاً يا أخينا بنت المنى وليس المناخير
وكذلك
أب كراضم محمد عانياً بها أبكر آدم محمد ومعروف الكرضمة عندنا بالسوداني ماذا تعني ( فلقت فلاناً لغاية ما كرضمت) فعلا أسماء عجيبة
وفي مطار ليبيا غضب مسئول تأشبرة الدخول وأوقف صاحب الجواز وبدا يسب فيه ورفض إدخاله وأوقف الركاب صفاً طويلاً للإنتظار بسبب المشكله وهدر وزبد وكلما حاول السوداني المسكين أن يوضح له إشطاط غضباً وحينما هدأ الموظف
قال للأخ السوداني والله أنا آسف العيب مش عليك العيب على حكومتك تكتب إسمك في الزواز (نطق الجواز عند الليبيين) وتقولو لينا إسلام كمان وبتاعين شريعة
قسما بالله ما تدروش شي عن الإسلام هدول الأفارقة
ثم إبتسم السوداني وقال: يا ولدي أنا ما إسمي الله (تعالى الله عن ذلك علواً كبيراً) أنا إسمي (الله جابو) وإنت قريت الله في البداية وقلت إسمي الله (والله جابو تعني عطا الله)
فإبتسم الموظف قائلاً:
هكي باهي
وخبط الجواز بختم الدخول الذي ظهرت اثاره حتى في الغلاف الأخير للجواز
قال الله جابو قال.
كمان ونحن نازلين من الباخرة في ميناء الإسكندرية والجو متوتر ودفاتر بها أسماء المشتبه بهم يا لطيف ما شفت أكبر منها وكأن الشعب السوداني كله محظور عليه دخول مصر فمسك الموظف جوازي وبدأ يراجع الأسماء
وفجأة قال لي: ديل هم معاك وإثنين كمان ونحن عارفين بالله خرجهم وبدل ما هم تعابنك ريحنا منهم
بدأ العرق ينزل وبداالتوتر والناس تنظر ناحيتي.
ثم بعد صمت قال: ليه شايل محمدين في جوازك مش هم الإثنين اللو معاك ما تاعبنك وبدأ الجميع يضحك وأنا أبحث عن الهدوء من التوتر الذي أحاط بنا(بالرغم أن هذا الإسم رمبا يكون أتانا من مصر نفسها) وشائع فيها وفي كل أقاليم السودان.
وهنالك الكثير من النوادر عن اسماءنا السودانية.
|
|
 
|
|
|
|
|
| العنوان |
الكاتب |
Date |
| الأسماء السودانية في الوثائق الرسمية | welyab | 07-20-06, 07:35 AM |
| Re: الأسماء السودانية في الوثائق الرسمية | welyab | 07-21-06, 01:22 PM |
| Re: الأسماء السودانية في الوثائق الرسمية | معتصم الطاهر | 07-21-06, 01:35 PM |
| Re: الأسماء السودانية في الوثائق الرسمية | welyab | 07-22-06, 11:53 PM |
| Re: الأسماء السودانية في الوثائق الرسمية | welyab | 07-24-06, 00:49 AM |
| Re: الأسماء السودانية في الوثائق الرسمية | othman mohmmadien | 07-24-06, 02:07 AM |
| Re: الأسماء السودانية في الوثائق الرسمية | welyab | 07-27-06, 10:44 AM |
| Re: الأسماء السودانية في الوثائق الرسمية | د.محمد عبد الله الريح | 07-28-06, 09:25 AM |
| Re: الأسماء السودانية في الوثائق الرسمية | welyab | 08-06-06, 08:22 AM |
| Re: الأسماء السودانية في الوثائق الرسمية | بكري الصايغ | 07-28-06, 10:19 AM |
| Re: الأسماء السودانية في الوثائق الرسمية | welyab | 07-28-06, 06:55 PM |
| Re: الأسماء السودانية في الوثائق الرسمية | Sobajo | 08-06-06, 08:47 AM |
| Re: الأسماء السودانية في الوثائق الرسمية | welyab | 11-27-06, 09:46 PM |
|
| |
othman mohmmadien
فيس بوك
تويتر
انستقرام
يوتيوب
بنتيريست