|
Re: مرحبــاً بعيــد الاستقــلال (Re: ناهد بشير الطيب)
|
Quote: كل عام وانت بخير وكل الامة السودانية بحول الله
شكرا اخونا الشقلينى |
عندما كتب الشاعر والملحن والمطرب الوطني الكبير : خليل فرح في الضواحي ) يكاد العشق في كلماته يطفح بالوطنية ، بإرثه من شمال السودان من أرض المحس ، كانت العامية العربية ليست بلغة أم ، فكيف تبدت له كل تلك الزغاريد التي تُطل من لغته العامية :
في الضواحي وطرف المدائن يله ننظر شفق الصباح قوموا خلو الضيق في الجناين .. شوفو عز الصيد في العساين يله نقنُص نطرُد نعاين . النهار إن حرّ الكماين كلبي يا جمجوم أصله خاين .. شوفو كيفن يبرى الملاين
هب شال وكشح المُراح
للقنيص الخيل خفّ راسِن .. نحنَ ما بنخَاف مِن مراسن المكارِم غرقنا ساسِن .. والمجاهل ..مين غيرنا ساس، إن عِطشنا نمزمر وآسن .. وإن عشقنا بنعشِق محاسِن
في المحاسن كفى يومنا راح
في الخميلة انجلتْ المحاسن ..عيني حايرة ومشى قلبي حاسِن بعض حُسنِك هيّ يا محاسن .. الحرير حين قَدميكِ داسَن والزهور حين شفتيكِ باسَن .. والغصون من لدنُك مياسِن
والنسيم فاح بكر الملاح
بالطبيعة الواديكِ ساكن .. مافي مثلك قط في الأماكن يا جمال النال في ثراكِن .. يا حلاة البِرعَنْ أراكن في قفاهِن تور قرنو ماكِن .. لا غشن لا شافَن مساكن
في الخُزام و الشيخ والبراح
شوف صباح الوادي وجماله .. شوف خضاره وصيده ورماله شوف يمينه وعاين شماله .. شوف نسيم الليل صاحي ماله شوف فريع الشاو مين أماله .. البدر خجلان من كماله
والصباح لاح بهل الوشاح
ياام لساناً لسع معجّن .. كلمة كلمة وحروفَ ضجّن ديل خدودِك غير داعي وَجّن .. ديل عيونِك من نظرة سَجّن ديل دموعِك من نظرة شجن .. ده دلال ايه ده دلال معجن
محن الأمات يا رداح
مال نسيم الليل بى برودِك .. نامت الأزهار فوق ورودِك غرد العصفور فوق عُودِك .. النفوس ما تعدَت حِدودِك ما عرفنا عدوك من لدُودِك .. بس أنا المقسوم لي صدودك
يا حياتي وأملي الي راح
***
|
|
|
|
|
|
|
|
|