إلي المدعو " eyes of liberty " .. والســــاقطون لا يسقــطون ....

Quote: العزيز / eyes of liberty 1/ أنا ما عارف إنتا وين لكن علي مدي ثلاث سنوات العزيزة غادة بتعاني شر المرض وطرقت ( و أنا شاهد علي ذلك ) كل الأبواب الممكنة وكان التجاوب ليس في حدود 90 ألف دولار امريكي . 2/ ماذا تعلم عن تليف الكبد الكامل . 3/ أنا متأكد في اللحظة دي بيحز في نفسك إنك ما لاقي طريقة تدعم الزولة دي لأي سبب كان و بتفتش في الطريقة . 4/انا معاك إنو في أفراد في المنبر دا ما خدين الموضوع بي طبيعتهم لكنهم ما خرجوا من الهدف العام ( علاج غادة نوري ) 5/ غادة وأسرتها ( وهذا هو المهم ) و (أنا شاهد علي ذلك أيضاً ) متفهمين تماماًلكل ما يدار في سودانيز أون لاين بل و أصبح معظم أعضاء سودانيز أون لاين في الخرطوم هم أصدقاء أسرة غادة نوري . 6/ لجنتنا البقت معروفة للبنتاقون و الإف بي آي دي وعبر منبر سودانيز أون لاين إستطاعت أن توفر مبلغ 18121 دولار امريكي لصالح علاج غادة نوري( شكراً محمد المرتضي حامد )، و متوقعين نقطع شوط كبير ( ونجمع جزء كبير من المبلغ ) بي حفل عقد الجلاد في إتجاه العملية ، وهنلك حفلات تانية جاية . ______________ 7/ أنا متأكد إنو هناك غادة كتار زيها لكن تفتكر لولا مجهود الشباب ديل (شباب سودانيز في الخرطوم ) كان الموضوع وصل المرحلة دي ولا كان علي غادة ترجي ديوان الزكاة والقمسيون الطبي ؟ (و برضو أنا شاهد علي ذلك ) __________________________ 8/ وقبل ما نتمني إننا نصل الهدف داير أقول أصلاً معروف إنو السودان ملئ بالحالات دي و قاعدين راجين ديوان الزكاة و وزارة الصحة المنهوبة لكن غادة كانت محظوظة لحد ما وحتي هذه اللحظة إنها صديقة ناس في المنبر دا و أهو دي أول تجربة علي المنبر و الشباب لكن الأنا شايفو بيتعدا علاج غادة نوزري بي مراحل كبيرة . __________ عزيزي / eyes of liberty بس عاين للنصف الملئ من الكوب