نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: الكيد للبشير الآن تعبير عن يأس بل ودعم لحملته الانتخابية (Re: محمد عبدالقادر سبيل)
|
أولا ... حمدلله على السلامة و يا سبيل و بركة المرقت من الغار و بحت بالمكنون ... المنبر و الانتخابات كانت فاقدة طعم ولون ... اهلا و سهلا ... ثانيا ...
Quote: اقصد هذا الكيد الشخصي قبل ان يكون السياسي وهذا التربص والتحرش بالرئيس ونبش وتكبير اخطائه الشخصية الصغيرة وتحويلها الى قضايا مطروحة على الاعلام |
غايتو ده ياهو (وعين الرضا عن كل عيب كليلة ) ... حسي طبزات و شترات عمر البشير اخطاء شخصية (سغيرة)؟ يا راجل ؟! قول كلام غير ده! تصريحاته بقطع انوف و ايدي المراقبين الدولين دي غلطة شخصية؟ غلطة شخصية يا سيد لو لبس قميص مشاتر مع الكرفتة أو لو مرق الشارع من غير جزمة .. بس رئيس دولة يهدد بقطع انوف و ايدي ممثلي منظمات دولية مهتمها الاشراف على النزاهة فدي فايتة الشتارة بهنوووووك .. Quote: هل هذا من اخلاقيات التنافس الشريف والنزيه اليس ما تفعله المعارضة الآن يقع في اطار عدم نزاهة الانتخابات؟ |
النزاهة دي و التنافس الشريف شعرا ما عندكم ليهو رقبة، و علشان ما تجيني باللفة و تسألني تقول لي (نا) الجماعة دي لمنو، أنا أقصدك انت بها كموالي للانقاذ و كوز ، وذلك بحسب ما تكتب و خطمك و توجهك. ناقشني مما يليك لو جيت راجع و حبيت ترد .. ادناه صورة للفورم التدريبي وزعته مفوضية الانتخابات و بتوريك بالدليل القاطع الظلط النزاهة حقتكم و نزاهة انظمتكم ... اما لو جينا للتنافس الشريف فأنتم – الكيزان و الانقاذيون كي لا تتوه منك الصفات – أول من أسس لسياسة اغتيال الشخصية و ترويج الاشاعات و يكفيك دور مراسليكم هنا في البورد و صحيفة الغفلة المسماة بضد مضمونها (الانتباهة) و ما تنشره من قصص خيال علمي و يتداولها هنا ممثلو حزبكم و نظامكم الميمون ... وتقول لي نزاهة؟
Quote: هل هذا يا ترى سيجعل الشعب السوداني اقل حماسا لنصرة البشير ام العكس؟ الشعب السوداني الذي تعرفون !!! |
والله الشعب الذي (نعرفون) وحاتك بقى مليون موديل و شكل و لون ... ولو قاصد الذي (تعرفون) اياها فوحاتك ديل ما بيقلوا نصرة إلا يقل الكاش و زي ما انت عارف الكاش بيقلل النقاش أو كما قال ...
كدي خليك انت من الشامتين و المعارضة، انت في رقبتك دي يرضيك ما قاله البشير ضد اخوتنا في غرب السودان و تعرضهن للاغتصاب؟
ولك كل الشكر و التقدير ...
____________
دليل نزاهة المفوضية و بالتالي الاتخابات و بالتالي الحكومة الحالية ... نزاهة 2010... LCD
|
|
|
|
|
|
|
|
|