ليس لصلاح قوش علاقة باعدام شهداء 28 رمضان..

Quote: مالنا والماضي .. رغم انو الماضي دا حصل في ديمقراطية قائمة ومكتملة الاركان يعني انت عشان تخذل ناس المؤتمر الوطني قلت كلامك الفوق دا ؟ طيب كان على الاقل موقفك يكون واحد وزي ما طالبت هنا بموقف لقوش كان برضو تقول ليه الصادق دا ما حقق عن موت عن الالف دينكاوي الماتوا في عهدو وزيادة على كدا موقفو الغريب من عشاري وبلدو الفضحوا الفاعلين ليه دخلهم السجن ؟.. الدينكا ديل ما بني آدمين .. وروحم ما زي ارواح الضباط ديل ؟ منطقك كان غريب !! الانظمة الشمولية والعسكرية ممكن يصدر منها اي تصرف طالما انها لا تخضع لسلطات القضاء .. لكن ما بالك للعمل الخروقات دي في الديمقراطية .. وجايينا تاني بنفس فاتحة وداير يترشح وكمان بلقى البدافع عنو ... الصادق المهدي دا اكبر سرطان بنخر في عضم السياسة والديمقراطية .. ليه انت تقيف وتدافع عنو مع الانتهازي خالد عويس وباقي الرجرجة الما واعيين ديلاك هل هي شهوة كتابة يا كمال ؟ لازم الحرب ضد الظلم تكون في الاتجاهين ضد الانقاذ والطائفية على حد سواء يعني الشمولية بتجيك بالبندقية وبتجيك بالصندوق برضو طالما بتجيب لينا زي الصادق دا كل الانجازات الحققها في فترته انو نقل رفات الامام الهادي واتآمر واقصى ابوحريرة لأنو ضد الفساد شايف كبف ؟هسي انت رأيك شنو في الصادق وتجربة الديمقراطية الاخيرة كان فاسد ولا ما فاسد ؟ ببني على اجابتك وبجيك تاني